ସାରର ଘୋର ଅଭାବ ଚାଷୀଙ୍କ ମୁଣ୍ଡ ବିନ୍ଧାର କାରଣ ସାଜିଛି। ୟୁରିୟା ପିଢ଼ିଆ ବସ୍ତାଏ ପାଇଁ ଚାଷୀଙ୍କୁ ଘଣ୍ଟା ଘଣ୍ଟା ଧରି ଲମ୍ବା ଲାଇନରେ ଛିଡା ହେବାକୁ ପଡୁଛି। ଶହ ଶହ ଚାଷୀ ସବୁ କାମ ଛାଡି ରାତିରୁ ଆସି ଲାଇନରେ ଛିଡା ହେବା ପରେ କିଏ ଦିନ ୧୦ଟା ଓ ୧୨ ଟା ପର୍ଯ୍ୟନ୍ତ ଟାଇଁ ଟାଇଁ ଖରାରେ ଛିଡା ହୋଇ ପିଡିଆ ବସ୍ତାଟେ ଧରି ଡିଲର ପାଖକୁ ନେଉଛନ୍ତି। ଏବେ ପଯ୍ୟନ୍ତ ଆସିକା ଅଞ୍ଚଳର କୌଣସି ସୋସାଇଟି କୁ ୟୁରିୟା ପିଡିଆ ଆସି ନଥିବାରୁ ଚାଷୀ ଟିଏ ପିଢ଼ିଆ ପାଇଁ ହନ୍ତସନ୍ତ ହେଉଛନ୍ତି।
