ମଧ୍ୟପ୍ରଦେଶ କୁନୋ ଜାତୀୟ ଉଦ୍ୟାନରେ ମାଈ ଚିତା ‘ଶାଶା’ର ମୃତ୍ୟୁ

ଭୋପାଳ: ମଧ୍ୟପ୍ରଦେଶ କୁନୋ ନ୍ୟାସନାଲ ପାର୍କରେ ଏକ ଚିତାର ମୃତ୍ୟୁ । ଗତବର୍ଷ ଏହି ପାର୍କକୁ ନାମିବ୍ୟାରୁ ଅଣାଯାଇଥିବା ୮ଟି ଚିତା ମଧ୍ୟରୁ ଶାଶା ନାମକ ଏକ ମାଈ ଚିତାର ମୃତ୍ୟୁ ଘଟିଛି । ଭାରତ ଆସିବା ପୂର୍ବରୁ ସାସାର କିଡନୀରେ ସଂକ୍ରମଣ ଥିଲା । ସେ କିଛି ଦିନ ଧରି ଅସୁସ୍ଥ ହୋଇପଡିଥିଲା । ଗତ ଜାନୁଆରୀ ୨୩ ତାରିଖରେ ସେ ଅତି ଗୁରୁତର ହେବା ସହ ଦୁର୍ବଳ ହୋଇଥିଲା । ପରେ ତାକୁ ଟ୍ରାଙ୍କୁଲାଇଜ କରି ଚିକିତ୍ସା କରାଯାଇଥିଲା । ଶାଶାକୁ ୩ ବର୍ଷ ହୋଇଥିଲା । ଗତ ବର୍ଷ ସେପ୍ଟେମ୍ବର ୧୭ ତାରିଖରେ ପାର୍କରେ ଚିତାଙ୍କୁ ଛଡ଼ାଯାଇଥିଲା ।

ନିଜ ଜନ୍ମଦିନ ଅବସରରେ ନାମବ୍ୟାରୁ ଆସିଥିବା ୮ ଚିତାଙ୍କୁ କୁନୋ ଜାତୀୟ ଉଦ୍ୟାନରେ ଛାଡ଼ିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ୭୦ ବର୍ଷ ପରେ ଏହା ପ୍ରଥମ ଥର ଥିଲା ଯେ ଏକ ଚିତା ଭାରତ ମାଟିରେ ମୁକ୍ତ ଭାବରେ ବୁଲୁଥିଲେ । ପ୍ରଥମ ବ୍ୟାଚରେ ନାମିବ୍ୟାରୁ ୮ଟି ଚିତା ଆସିଥିବା ବେଳେ ଚଳିତ ବର୍ଷ ଫେବୃଆରୀରେ ଦକ୍ଷିଣ ଆଫ୍ରିକାରୁ ୧୨ଟି ଚିତାଙ୍କର ଦ୍ୱିତୀୟ ବ୍ୟାଚ୍ ଭାରତକୁ ଅଣାଯାଇଛି । ହେଲେ ଆଜି ଏହି ଚିତାର ମୃତ୍ୟୁ ପରେ ଚିନ୍ତାରେ ପଡ଼ିଯାଇଛନ୍ତି ପାର୍କ କର୍ତ୍ତୃପକ୍ଷ ।