ଆଉ ଏକ ଆକ୍ରମଣର ଆଶଙ୍କା, ସତର୍କ କଲା ଗୁଇନ୍ଦା ସଂସ୍ଥା

ପହଲଗାମ: ଜାମ୍ମୁ କାଶ୍ମୀର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ ସାରା ଦେଶକୁ ଥରାଇ ଦେଇଥିଲାବେଳେ ଏହି ସ୍ଥାନରେ ବିପଦ ଏବେ ବି ଟଳିନାହିଁ । ଏବେ ଆଉ ଏକ ଆକ୍ରମଣ ଆଶଙ୍କା ପ୍ରକାଶ ପାଇଛି । ଗୁଇନ୍ଦା ସଂସ୍ଥା ଗୁଡ଼ିକ ଦ୍ବାରା ଜାରି ହୋଇଥିବା ସତର୍କ ସୂଚନା ଅନୁସାରେ ଜାମ୍ମୁ କାଶ୍ମୀରରେ ପୁଣି ଥରେ ଆତଙ୍କବାଦୀ ଆକ୍ରମଣ ହୋଇପାରେ । ଏଥର ମଧ୍ୟ ଟାର୍ଗେଟ କିଲିଂ ସହିତ ବଡ଼ ଆତଙ୍କବାଦୀ ଆକ୍ରମଣ ପାଇଁ ପ୍ରସ୍ତୁତି ଚଳାଇଥିବା ଜଣାପଡ଼ିଛି ।

ଦକ୍ଷିଣ କାଶ୍ମୀର ଟାର୍ଗେଟରେ ଥାଇପାରେ ବୋଲି ଗୁଇନ୍ଦା ସଂସ୍ଥା କହିଛି । ଏ ଥର ମଧ୍ୟ ପର୍ଯ୍ୟଟନ ସ୍ଥଳଗୁଡ଼ିକୁ ଟାର୍ଗେଟ କରିପାରନ୍ତି ବୋଲି ଆଶଙ୍କା କରାଯାଉଛି । ଏଥିପାଇଁ ସୁରକ୍ଷା ଏଜେନ୍ସିଗୁଡ଼ିକୁ ଆଗୁଆ ସତର୍କ କରାଯାଉଛି । ଜାମ୍ମୁ କାଶ୍ମୀରର କୋଣ କୋଣରେ ସୁରକ୍ଷା କର୍ମୀ ରହିଛନ୍ତି । ଆଜି ସେନା ଆତଙ୍କବାଦୀଙ୍କ ଘର ଭାଙ୍ଗି ଦେଇଛନ୍ତି । ଏହି ଘରୁ ସନ୍ଦେହଜନକ ସାମଗ୍ରୀ ମଧ୍ୟ ମିଳିଛି ।