ପୁଅକୁ ଟ୍ୟୁସନରୁ ନେଇ ଫେରୁଥିବା ବେଳେ ବାପାଙ୍କୁ ଛୁରି ମାଡ଼

ବୌଦ୍ଧ: ବୌଦ୍ଧ ସୁଦସାହି ନିକଟରେ ଜଣେ ବ୍ୟକ୍ତିଙ୍କୁ ଛୁରା ମାଡ଼ । ଆହତ ଜଣଙ୍କ ହେଲେ ବଢିଗାଁର ସରୋଜ ପଟ୍ଟନାୟକ । ପୁଅକୁ ଟ୍ୟୁସନରୁ ନେଇ ଫେରୁଥିବା ସରୋଜଙ୍କୁ ଛୁରାମାଡ଼ ହୋଇଛି । ଅଚେତ ଅବସ୍ଥାରେ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ ।

ଅଭିଯୋଗ ଅନୁସାରେ, ବୌଦ୍ଧ ଆଦର୍ଶ ଥାନା ବଢିଗାଁର ସରୋଜ ପୁଅକୁ ଟ୍ୟୁସନରୁ ନେଇ ଫେରୁଥିବା ବେଳେ ପଛରୁ ସୁଦ ସାହିର ପ୍ରେମାନନ୍ଦ ପ୍ରଧାନ ଛୁରା ମାଡ଼ କରିଥିଲେ । ସରୋଜ ତଳେ ପଡିଯିବା ପରେ ସ୍ଥାନୀୟ ଲୋକେ ପାଟି ସେଠାରେ ପହଞ୍ଚି ଯାଇଥିଲେ । ଫଳରେ ଅଭିଯୁକ୍ତ ଘଟଣା ସ୍ଥଳରୁ ଫେରାର ହୋଇଯାଇଥିଲେ । ଏନେଇ ଥାନାରେ କୌଣସି ଅଭିଯୋଗ ହୋଇ ନଥିବା ଜଣାପଡ଼ିଛି ।