ପୁରୀରେ ପୂର୍ବ ଶତୃତାରୁ ବୋମାମାଡ଼, ବାପ ଓ ପୁଅ ଗୁରୁତର ଆହତ

ପୁରୀ: ପୁରୀରେ ପୂର୍ବ ଶତୃତାରୁ ବୋମାମାଡ଼ । ଜେଲରୁ ଫେରି ଘର ଉପରକୁ ବୋମା ଫିଙ୍ଗିଲେ ଅଭିଯୁକ୍ତ । ବାପପୁଅଙ୍କୁ ଧାରୁଆ ଅସ୍ତ୍ରରେ କଲେ ଆକ୍ରମଣ । ବଳିଆପଣ୍ଡା ଥାନା ନାଲି ପଡ଼ିଆ ଅଞ୍ଚଳରେ ଏଭଳି ଘଟଣା ଦେଖିବାକୁ ମିଳିଛି । ଆକ୍ରମଣର ଶିକାର ହୋଇଛନ୍ତି ବାପା ସନ୍ଦୀପ ସାନିୟାଲ ଓ ପୁଅ ମୃତ୍ୟୁଞ୍ଜୟ ସାନିୟାଲ । ସେମାନଙ୍କୁ ଗୁରୁତର ଅବସ୍ଥାରେ କଟକ ସ୍ଥାନାନ୍ତର କରାଯାଇଛି । ଉଭୟଙ୍କ ହାତ ଓ ଗୋଡରେ ଗଭୀର ଆଘାତ ଲାଗିଛି।

ଅଭିଯୋଗ ଅନୁସାରେ, ଦୁର୍ବୃତ୍ତମାନେ ବିଭିନ୍ନ ସମୟରେ ସନ୍ଦୀପ ସାନିୟଲଙ୍କ ଘର ପାଖରେ ଖଟି କରିବା ସହ ନିଶା ସେବନ କରୁଥିଲେ । ଏହାକୁ ନେଇ ବଳିଆ ପଣ୍ଡା ଥାନାରେ ସନ୍ଦୀପ କିଛି ଦିନ ପୂର୍ବରୁ ଅଭିଯୋଗ କରିବାପରେ ଅଭିଯୁକ୍ତଙ୍କୁ ଗିରଫ କରିଥିଲା ପୋଲିସ । ଜେଲରୁ ଫେରିବା ପରେ ଅଭିଯୁକ୍ତମାନେ ଏଭଳି କାଣ୍ଡ ଭିଆଇଛନ୍ତି । ପୋଲିସ ଘଟଣାର ତଦନ୍ତ ଜାରିରଖିଥିବାବେଳେ ଅଭିଯୁକ୍ତଙ୍କୁ ଗିରଫ କରିବାକୁ ବିଭିନ୍ନ ସ୍ଥାନରେ ଚଢାଉ କରୁଛି ।