କଟକରେ ନାବାଳକ ପୁଅ ଭାଙ୍ଗିଲା ଟ୍ରାଫିକ୍ ନିୟମ, ବାପା ଗଣିଲେ ଜରିମାନା

କଟକ: ସଚେତନତା ସତ୍ତ୍ୱେ ସୁଧୁରୁନାହାଁନ୍ତି ଅଭିଭାବକ । ସ୍କୁଲ ପିଲାଙ୍କ ହାତରେ ଗାଡ଼ି ଧରାଇ ଦେଉଛନ୍ତି । ଆଉ ଚେକିଂ ବେଳେ ନାବାଳକ ପୁଅ ଧରାହେବାରୁ ବାପାକୁ ଗଣିବାକୁ ପଡ଼ିଛି ଜରିମାନା । କଟକ ଟ୍ରାଫିକ୍ ପୋଲିସ ଖାନନଗର ଅଞ୍ଚଳର ସୁରେନ୍ଦ୍ର ନାଥଙ୍କୁ ୬ ହଜାର ଟଙ୍କା ଚାଲାଣ କାଟିଛି ।

ଆଜିଠାରୁ ସାରା ରାଜ୍ୟରେ ଟ୍ରାଫିକ୍ ନିୟମକୁ ଜୋରଦାର କରାଯିବା ସହ ଚେକିଂ ହେଉଛି । ଚେକିଂ ବେଳେ ହେଲମେଟ ନ ପିନ୍ଧି ଫୋନରେ ଗପି ଗାଡ଼ି ଚଲାଉଥିବା ଜଣେ ସ୍କୁଲ ଛାତ୍ର ଧରାପଡ଼ିଛନ୍ତି ।  କଟକ ଟ୍ରାଫିକ୍ ପୋଲିସ ଲିଙ୍କ୍ ରୋଡରୁ ଛାତ୍ର ଜଣଙ୍କୁ ଧରିଛି । ସେ ତାଙ୍କ ବାପାଙ୍କ ନାଁରେ ଥିବା ଗାଡ଼ିକୁ ବିନା ହେଲମେଟର ଚଲାଇବା ସହ ଫୋନରେ ଗପୁଥିଲେ ।୧୮ ବର୍ଷରୁ କମ୍ ନାବାଳକ, ବିନା ହେଲମେଟରେ ଗାଡ଼ି ଚାଳନା, ଗାଡ଼ି ଚଲାଇବା ବେଳେ ଫୋନରେ ଗପିବା ପାଇଁ ପାଇଁ ପୋଲିସ ୬୦୦୦ ଟଙ୍କା ଫାଇନ୍ କାଟିଛି । ଏଥିସହ ସହରର ଲିଙ୍କ୍ ରୋଡ, ମାଲଗୋଦାମ, ବାଦାମବାଡ଼ି ଭଳି ମୁଖ୍ୟ ସ୍ଥାନରେ ଯାଞ୍ଚ କରାଯାଉଛି । ମଧ୍ୟାହ୍ନ ସୁଦ୍ଧା ଟ୍ରାଫିକ୍ ନିୟମ ଭାଙ୍ଗି ସହରରେ ୪୦ରୁ ଅଧିକ ବ୍ୟକ୍ତି ଫାଇନ୍ ଗଣିଛନ୍ତି ।

https://nandighoshatv.comtvds-implementation-from-today-in-bhubaneswar/