ବାଲେଶ୍ବର: ନିଶାସକ୍ତ ପୁଅର ଅମାନବିୟ କାଣ୍ଡ। ପୁଅ ଆକ୍ରମଣରେ ବାପାର ମୃତ୍ୟୁ ହୋଇଥିବା ବେଳେ ମାଆ ଗୁରୁତର ହୋଇଛନ୍ତି। ଏଭଳି ଏକ ଘଟଣା ବାଲେଶ୍ୱର ଜିଲ୍ଲା ସଦର ଥାନା ବାଲିଆ ଗାଁରେ ଘଟିଛି। ଘଟଣାରେ ଅଭିଯୁକ୍ତ ପୁଅ ଦେବଜ୍ୟୋତି ଫେରାର ହୋଇଯାଇଛି। ସୂଚନା ଅନୁଯାୟୀ ଗତକାଲି ରାତିରେ ପୁଅ ଦେବଜ୍ୟୋତି ଦାସ ଘରକୁ ଆସି ନିଶାସକ୍ତ ଅବସ୍ଥାରେ ମାଆ ଅନୀତାଙ୍କୁ ମାଡ଼ ମାରିଥିଲା। ମାଆ ଜୀବନ ବଞ୍ଚାଇବା ପାଇଁ ଦୌଡ଼ି ପଳାଇଥିବାବେଳେ, ପରେ ବାପା ଭରତ ଦାସଙ୍କୁ ମଧ୍ୟ ଆକ୍ରମଣ କରିଥିଲା ପୁଅ। ଆକ୍ରମଣରେ ବାପା ଭରତଙ୍କର ମୃତ୍ୟୁ ହୋଇଛି। ମା’ ଅନିତା ଗୁରୁତର ହୋଇ ମେଡିକାଲରେ ଭର୍ତ୍ତି ହୋଇଛନ୍ତି। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି।
