ଗଞ୍ଜାମରୁ ବୋଲବମ୍ ଯାଇଥିଲେ ବାପା, ପୁରୀରୁ ପୁଅ ପାଇଲା ଅସ୍ଥି..

ଭୁବନେଶ୍ୱର: ରାଜଧାନୀ ରାଜରାସ୍ତାରେ ବାପାର ଅସ୍ଥି ଧରି ବୁଲୁଛି ଅସହାୟ ପୁଅ । ନ୍ୟାୟ ପାଇଁ ବାପାର ଅସ୍ଥି ଧରି ରାଜଧାନୀ ରାଜରାସ୍ତାରେ ବୁଲୁଛି ପୁଅ । ବୋଲବମରେ ପାଣି ନେଇ ଆସିଥିଲେ ଅସ୍ଥିହୋଇଗଲେ । ବାପାକୁ ଖୋଜି ଖୋଜି ପୁଅ ପାଇଲା ବାପାର ଅସ୍ଥି । ବାପାଙ୍କ ମୃତ୍ୟୁ କେମିତି ହେଲା ସେ ନେଇ ସମସ୍ତଙ୍କୁ ପଚାରି ବୁଲୁଛି ପୁଅ । ପୁରୀ ପୋଲିସର କାର୍ଯ୍ୟକୁ ନେଇ ସନ୍ଦେହ । ବାପା ମୋହନ ଜେନାଙ୍କ ଅସ୍ଥି ଧରି ରାଜଧାନୀରେ ବୁଲୁଛି ପୁଅ ଅପୂର୍ବ ଜେନା । ଅପୂର୍ବଙ୍କ ଅଭିଯୋଗ ଅନୁସାରେ ଗତ 29 ତାରିଖ ଦିନ ତାଙ୍କ ବାପା ମୋହନ ଜେନା ବୋଲବମରେ ଘରୁ ବାହାରିଥିଲେ ।

ଗାଁ ଲୋକଙ୍କ ସହ ବସରେ ଆସି ଗଂଜାମ ପଞ୍ଚମହାଦେଵ ଠାରେ ଜଳଲାଗି କରିଥିଲେ । ପରେ ସମସ୍ତେ ବସ ଯୋଗେ ପୁରୀ ବୁଲି ଘରକୁ ଫେରିବା ପାଇଁ କଥା ହୋଇଥିଲା । ସମସ୍ତେ ପୁରୀ ବୁଲୁଥିବା ବେଳେ ମୋହନଙ୍କ ବ୍ୟାଗ ପୁରୀରେ ଚୋରି ହୋଇଯାଇଥିଲା । ତେବେ ବ୍ୟାଗ ପାଇବା ପାଇଁ ଯାଇଥିବା ବେଳେ ଗାଁ ଲୋକ ମୋହନଙ୍କୁ ଛାଡି ବସରେ ପଳାଇଥିଲେ । ପରେ ବାପା ମୋହନ ଘରକୁ ନ ଫେରିବା ଦେଖି ତାଙ୍କର ଦୁଇ ପୁଅ ବାପାକୁ ଖୋଜି ଖୋଜି ପୁରୀରେ ମଙ୍ଗଳବାର ପହଞ୍ଚିଥିଲେ । ଏ ନେଇ ପୋଲିସକୁ ଜଣାଇବା ପରେ ପୋଲିସ ଏକ ନିଖୋଜ ମାମଲା ରୁଜୁ କରିବା ସହ ସମସ୍ତ ପୋଲିସ ଥାନାକୁ ଜଣାଇ ଦିଆଯାଇଥିବା କହିଥିଲେ ।

ହେଲେ ହଠାତ ଗୁରୁବାରଦିନ ମୋହନଙ୍କ ମୃତଦେହକୁ ନେଇ ଦେଖାଇଥିଲା ପୁରି ସିଙ୍ଘଦ୍ୱାର ଥାନା ପୋଲିସ । ଯେଉଁଠି ମୋହନଙ୍କ ପୋଷ୍ଟମର୍ଟମ ମଧ୍ୟ ସାରିସାରିଥିଲା । ବାପାଙ୍କର କେମିତି ମୃତ୍ୟୁ ହୋଇଛି ବୋଲି ପଚାରିବାରୁ ପୋଲିସ ଦୁଇପୁଅକୁ ଧମକାଇବା ସହ ସ୍ୱର୍ଗଦ୍ୱାରରେ ମୋହନଙ୍କ ଶେଷକୃତ୍ୟ କରି ହାତରେ ଅସ୍ଥି ଧରାଇ ବିଦା କରିଦେଇଛି । ତେବେ ପୁଅ ଅପୂର୍ବ ଅଭିଯୋଗ କରିଛନ୍ତିକି ତାଙ୍କ ବାପାଙ୍କ ହାତରେ ରଶି ବନ୍ଧା ଦାଗ ରହିଥିବା ବେଳେ ଛାତି ଓ ମୁଂହରେ ମାଡ଼ ଦାଗ ରହିଛି । ତେଣୁ ତାଙ୍କ ବାପାଙ୍କୁ କେହି ପିଟି ପିଟି ହତ୍ୟା କରିଛି ଯାହାକୁ ପୋଲିସ ଲୁଚାଉଛି । ତେଣୁ ନ୍ୟାୟ ଦାବିରେ ବାପାଙ୍କ ଅସ୍ଥି ଧରି ରାଜଧାନୀରେ ପହଞ୍ଚିଛନ୍ତି ପୁଅ ଅପୂର୍ବ।