ବଡ଼ଭାଇକୁ ପିଟି ପିଟି ହତ୍ୟା କଲେ ବାପା ଓ ସାନ ଭାଇ, ପୂର୍ବରୁ ମା’କୁ ମାରିଦେଇଥିଲା ବଡ଼…

ବାଲେଶ୍ବର: ତିନି ବର୍ଷ ତଳେ ମାଆକୁ ହତ୍ୟା କରି ଫେରାର ହୋଇଯାଇଥିଲା ବଡ଼ଭାଇ । ଆଜି ବାପାକୁ ହତ୍ୟା ଉଦ୍ୟମ କରିବା ବେଳେ ବାପାଙ୍କୁ ବଞ୍ଚାଇବାକୁ ଯାଇ ବଡ଼ଭାଇକୁ ପିଟି ଗୁରୁତର କରିଦେଲା ସାନଭାଇ। ପରେ ଉଭୟ ବାପା ଓ ସାନଭାଇ ପିଟିପିଟି ବଡ଼ଭାଇକୁ ହତ୍ୟା କରିଛନ୍ତି । ବାଲେଶ୍ବର ଜିଲା ରାଇବଣିଆ ଥାନା ଅନ୍ତର୍ଗତ ରାଇବଣିଆ ଗାଁରେ ଏହି ଘଟଣା ଘଟିଛି । ଉଭୟ ସାନପୁଅ ଓ ବାପା ପୋଲିସ ପାଖରେ ଆତ୍ମସମର୍ପଣ କରିଛନ୍ତି ।

ତିନିବର୍ଷ ତଳେ ବଡ଼ପୁଅ ସୁଶାନ୍ତ ନିଶାସକ୍ତ ଅବସ୍ଥାରେ ନିଜ ମାଆକୁ ପିଟି ହତ୍ୟା କରି ଫେରାର ହୋଇଯାଇଥିଲା । ପୁଣି ଘରକୁ ଫେରି ବାପା ରଥ ମାର୍ଣ୍ଡିଙ୍କୁ ହତ୍ୟା କରିବାକୁ ଉଦ୍ୟମ କରିବାରୁ ସାନଭାଇ ପ୍ରଶାନ୍ତ ମାଡ଼ ମାରି ସୁଶାନ୍ତକୁ ଲହୁ ଲୁହାଣ କରିଦେଇଥିଲା । ପରେ ଉଭୟ ବାପା ରଥ ମାର୍ଣ୍ଡି ଓ ସାନଭାଇ ପ୍ରଶାନ୍ତ ମିଶି ସୁଶାନ୍ତକୁ ହତ୍ୟା କରିଛନ୍ତି । ରାଇବଣିଆ ପୋଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ ଜାରି ରଖିଛି ।