ମଦ୍ୟପଙ୍କ ଛୁରାମାଡରେ ପୁଅ ମୃତ, ବାପା ଗୁରୁତର

ଭୁବନେଶ୍ୱର:  ବାପାକୁ ବଞ୍ଚାଇବାକୁ ଯାଇ ପୁଅର ମୃତ୍ୟୁ । ମଦ୍ୟପଙ୍କ ଛୁରାମାଡରେ ପୁଅ ମୃତ, ବାପା ଗୁରୁତର । ଘଟଣା ଘଟିଛି ଯାଜପୁର ଜିଲ୍ଲା ବାଳୁଙ୍ଗାବନ୍ଦୀ ଗାଁରେ । ଜଣେ ମଦ୍ୟପ ଯୁବକଙ୍କ ଛୁରା ମାଡ଼ରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି। ମୃତ ଯୁବକ ୨୦ ବର୍ଷୀୟ ମଦନ ମଲ୍ଲିକ ଏବଂ ଗୁରୁତର ଆହତ ହୋଇଥିବା ବ୍ୟକ୍ତି ମଦନଙ୍କ ବାପା ସୁକାନ୍ତ ମଲ୍ଲିକ । ଆହତ ସୁକାନ୍ତଙ୍କୁ ଚିକିତ୍ସା ପାଇଁ କଟକ ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଛି। ମୃତଦେହ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇବା ସହ ଛୁରାମାଡ କରିଥିବା ଗଣେଷ ମଲ୍ଲିକଙ୍କୁ ଥାନାରେ ଅଟକ ରଖି ଘଟଣାର ତଦନ୍ତ ଆରମ୍ଭ କରିଛି ଯାଜପୁର ରୋଡ଼ ପୋଲିସ।

\

ଗତକାଲି ବିଳମ୍ବିତ ରାତିରେ ମଦ ପିଇ ଗଣେଶ ଅସଭ୍ୟ ଭାଷାରେ ଗାଲି ଗୁଲଜ କରୁଥିଲା । ସୁକାନ୍ତ ମନା କରିବାରୁ ତାଙ୍କୁ ଆକ୍ରମଣ କରିଥିଲା ଗଣେଶ । ବାପାକୁ ବଞ୍ଚାଇବାକୁ ଯାଇ ଗମେଶର ଛୁରା ମାଡ଼ର ଶିକାର ହେଲା ପୁଅ ମଦନ ।