ଯୌତୁକ ପାଇଁ ବୋହୂକୁ କିରୋସିନି ଢାଳି ପୋଡିଦେଲେ ଶାଶୁଘର ଲୋକେ

ବାଲେଶ୍ୱର: ଯୌତୁକ ଦାବିରେ ବଧୁ ନିର୍ଯାତନା ଅଭିଯୋଗ । ମାଡ଼ ମାରିବା ସହିତ କିରାସିନି ଢାଳି ବୋହୂକୁ ପୋଡ଼ି ମାରିଦେବାକୁ ଉଦ୍ୟମ । ବାଲେଶ୍ୱର ଜିଲ୍ଲା ଶିଳ୍ପାଞ୍ଚଳ ଥାନା ଶ୍ରୀକୃଷ୍ଣପୁର ଗାଁରେ ଘଟିଛି ଘଟଣା । ବୋହୂକୁ ଶାଶୁଘର ଲୋକେ କିରୋସିନି ଢାଳି ଜାଳିଦେଇଥିବାବଳେ ଗୁରୁତର ଅବସ୍ଥାରେ ବୋହୂ ସୁମତି ବେହେରାଙ୍କୁ ଉଦ୍ଧାର କରିଛନ୍ତି ପଡ଼ୋଶୀ । ଅଭିଯୋଗ ଅନୁସାରେ ଦୁଇ ଲକ୍ଷ ଟଙ୍କା ଯୌତୁକ ଦାବି କରୁଥିଲେ ଶାଶୁଘର ଲୋକେ  ।

ଯୌତୁକ ପାଇଁ ସୁମତିଙ୍କୁ ବାରମ୍ବାର ନିର୍ଯାତନା ଦେଇଆସୁଥିଲେ ଶାଶୁଘର । ସ୍ୱାମୀ, ଶାଶୂ, ଦିଅର, ଯାଆଙ୍କ ସହିତ ନଣନ୍ଦ ଓ ନଣନ୍ଦେଇ ମିଶି ମାଡ଼ ମାରିଥିଲେ  । ପରେ କିରାସିନି ଢାଳି ଜୀବନରୁ ମାରି ଦେବାକୁ ଉଦ୍ୟମ କରିଥିବା ନେଇ ଥାନାରେ ଅଭିଯୋଗ ହୋଇଛି ।  ସେପଟେ ପଡୋଶୀମାନେ ସୁମତିଙ୍କୁ ଉଦ୍ଧାର କରି ନୀଳଗିରି ଡାକ୍ତରଖାନାରେ ଭର୍ତ୍ତି କରିଛନ୍ତି । ଏନେଇ ଥାନାରେ ଅଭିଯୋଗ କରିଛନ୍ତି ସୁମତିଙ୍କ ପରିବାର  । ପୋଲିସ ମଧ୍ୟ ତଦନ୍ତ ଆରମ୍ଭ କରିଛି  ।