ପରିବାରର ୫ଜଣଙ୍କ ଦାନାରେ ବିଷ ଦେଲା ବାପା

ମାଲକାନଗିରି: ନିଶାରେ ମାତାଲ ହୋଇ ପରିବାରଙ୍କୁ ବିଷ ଦେଲା ବାପା । ଦାନାରେ ବିଷ ଦେଇ ମାରିବାକୁ ବାପାର ପ୍ରୟାସ । ଖାଇବା ଭାତରେ ବିଷ ଦେଇ ମାରିବାକୁ ପଛାଇଲାନି ବାପା । ତେବେ ନିଶାସକ୍ତ ଅବସ୍ଥାରେ ପରିବାରର ୫ଜଣଙ୍କୁ ବାପା ବିଷ ଦେଇଥିବା ସୂଚନା ମିଳିଛି । ମାଲକାନଗିରି ମାଥିଲି କାଳିଆ ନାୟକଗୁଡ଼ା ଗାଁରେ ଏଭଳି ଅଘଟଣ ଘଟିଛି ।

ନିଶାସକ୍ତ ଅବସ୍ଥାରେ ପୂରା ପରିବାରକୁ ମାରିବା ପାଇଁ ନରସିଂହ ମାଝୀ ଉଦ୍ୟମ କରିଥିବା ଅଭିଯୋଗ ହୋଇଛି । ପରିବାରର ୫ ଜଣ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି ହୋଇଛନ୍ତି । ନରସିଂହଙ୍କ ପତ୍ନୀ ପୂର୍ଣ୍ଣା ମାଝୀ, ୨ ଝିଅ ଗୌରୀ ଓ ସୁମିତ୍ରା, ପୁଅ ବାସୁଦେବ ଓ ପୁତୁରା ବନ୍ଧୁ ନାୟକ ଗୁରୁତର ହୋଇଛନ୍ତି । ଗାଁ ଲୋକେ ଆମ୍ବୁଲାନ୍‌ସ ଡକାଇ ସେମାନଙ୍କୁ ମେଡିକାଲ ପଠାଇଥିଲେ । ମାଥିଲି ମେଡିକାଲରେ ସେମାନଙ୍କ ଚିକିତ୍ସା ଚାଲିଛି ।