୨୦୨୦ରେ କଳାତାଲିକାଭୁକ୍ତ ହୋଇପାରେ ପାକିସ୍ତାନ
1 min read
ପାକିସ୍ତାନକୁ ଏଫ୍ଏଟିଏଫ୍ର କଡା ଚେତାବନୀ। ୨୦୨୦ରେ କଳାତାଲିକାଭୁକ୍ତ ହୋଇପାରେ ପାକିସ୍ତାନ । ପାକିସ୍ତାନର ବାରମ୍ବାର ଟେରର ଫଣ୍ଡିଙ୍ଗକୁ ନେଇ ଏଭଳି ନିଷ୍ପତ୍ତି ନିଆ ଯାଇଛି । ଲସ୍କର ଏ ତୋଇବା ଏବଂ ଜୈସ ଏ ମହମ୍ମଦ କୁ ବାରମ୍ବାର ଫଣ୍ଡିଂ କରୁଥିବାରୁ ଏଫ୍ଏଟିଏଫ୍ ଏଭଳି କଠୋର ନିଷ୍ପତ୍ତି ନେଇଛି। ପ୍ୟାରିସ୍ ସ୍ଥିତ ଫାଇନାନ୍ସ ଆକ୍ସନ ଟାକ୍ସ ଫୋର୍ସର ବୈଠକରେ ଆଜି ଏନେଇ ନିଷ୍ପତ୍ତି ନିଆଯାଇଛି । ପୂର୍ବରୁ ପାକିସ୍ତାନ ଟେରର ଫଣ୍ଡିଂ ରୋକିବା ପାଇଁ ଏଫ୍ଏଟିଏଫ୍କୁ କିଛି ପ୍ରସ୍ତାବ ଦେଇଥିଲା । ଯେଉଁ ପ୍ରସ୍ତାବ ଗୁଡ଼ିକ ଏଫ୍ଏଟିଏଫ୍ର ପସନ୍ଦ ହେବା ପରେ ଏଫ୍ଏଟିଏଫ୍ ପାକିସ୍ତାନକୁ ଗ୍ରେ ତାଲିକାରେ ରଖିଥିଲା ।
ସୂଚନା ମୁତାବକ, ପାକିସ୍ତାନ କଳା ତାଲିକାରୁ ବଞ୍ଚିବା ପାଇଁ ଏଫ୍ଏଟିଏଫ୍ର ପାଖରେ ରଖିଥିଲା ୨୭ଟି ଆକ୍ସନ ପ୍ଲାନ । ଯାହାକୁ ଅକ୍ଟୋବର ୨୦୧୯ ସୁଦ୍ଧା ସଫଳ ରୁପେ ସମାପ୍ତ କରିବା ପାଇଁ ଏଫ୍ଏଟିଏଫ୍ ପକ୍ଷରୁ ଆଦେଶ ମିଳିଥିଲା । ତେବେ ପାକିସ୍ତାନ ୨୭ଟି ମଧ୍ୟରୁ ମାତ୍ର ୫ଟି ଆକ୍ସନ ପ୍ଲାନ୍ ଉପରେ ସକାରାତ୍ମକ ପ୍ରଗତି କରିଥିବା ସୂଚନା ମିଳିଛି । କିନ୍ତୁ ବାକି ୨୨ଟି ଆକ୍ସନପ୍ଲାନକୁ ପାକିସ୍ତାନ ଫେବ୍ରୁଆରୀ ୨୦୨୦ ସୁଦ୍ଧା କାର୍ଯ୍ୟକାରୀ ନ କଲେ କଳା ତାଲିକାରେ ସାମିଲ କରାଯିବ ବୋଲି ଏଫ୍ଏଟିଏଫ୍ ଚେତାବନୀ ଦେଇଛି ।
ପାକିସ୍ତାନ ଯଦି କଳାତାଲିକା ଭୁକ୍ତ ହୁଏ ଦେଶକୁ ଆର୍ଥିକ ସଂକଟରୁ ବଞ୍ଚାଇବା ଇମ୍ରାନ୍ ଖାଁଙ୍କ ପାଇଁ କାଠିକର ହୋଇପଡ଼ିବ । କାରଣ ପାକିସ୍ତାନକୁ ଆଉ ଅନ୍ତର୍ଜାତୀୟ ଋଣପ୍ରଦାନକାରୀ ସଂସ୍ଥା, ବିଶ୍ୱ ବ୍ୟାଙ୍କ, ଅନ୍ତର୍ଜାତୀୟ ମୁଦ୍ରାପାଣ୍ଠିରୁ ଫୁଟା କଉଡ଼ି ବି ମିଳିବନି । ଇରାନ୍ ଏବେ ଏଫ୍ଏଟିଏଫ୍ର କଳା ତାଲିକାଭୁକ୍ତ ଦେଶ । ପାକିସ୍ତାନ ଯଦି ନ ସୁଧୁରେ ତେବେ ତାକୁ ଇରାନ୍ ଭଳି ଦଶା ଭୋଗିବାକୁ ପଡ଼ିବ ।
')}
