ନୂଆଦିଲ୍ଲୀ: ସରକାରଙ୍କ ନୂଆ କୃଷି ଆଇନକୁ ‘ଅସାମ୍ବିଧାନିକ’ ଏବଂ ‘କୃଷକ ବିରୋଧୀ’ ବୋଲି କହିବା ସହ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ଭାରତୀୟ କିସାନ ୟୁନିଅନ ନେତା ଭାନୁ ପ୍ରତାପ ସିଂ।
ଏହି ନୂଆ ଆଇନକୁ ନେଇ ପ୍ରାୟ ଦୁଇ ସପ୍ତାହରୁ ଅଧିକ ହେବ ବିକ୍ଷୋଭ ପ୍ରଦର୍ଶନ କରାଯାଉଥିବା ବେଳେ ୬ଟି ଆବେଦନକୁ ଚ୍ୟାଲେଞ୍ଜ କରାଯାଇଛି।
ଏହି ନୂତନ କୃଷି ଆଇନ୍ ଦେଶରେ କେବଳ କୃଷି କ୍ଷେତ୍ରକୁ ଘରୋଇକରଣ ଆଡକୁ ଠେଲିଦେବ । କୃଷି ଏକ ରାଜ୍ୟ ଭିତ୍ତିକ ବିଷୟ ହୋଇଥିବାରୁ କେନ୍ଦ୍ର ଏବଂ ରାଜ୍ୟର କୃଷି ଆଇନରେ ପାର୍ଥକ୍ୟ ରହିଛି । ଏନେଇ ତାମିଲନାଡୁର ରାଜ୍ୟସଭା ସାଂସଦଙ୍କ ଦ୍ୱାରା ଦାଖଲ ହୋଇଥିବା ପିଟିସନ ସୁପ୍ରିମକୋର୍ଟରେ ବିଚାରାଧୀନ ଅଛି।
ତେବେ ଏହା ପୂର୍ବରୁ କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ର ତୋମାର ଏକ ସାମ୍ବାଦିକ ସମ୍ମିଳନୀରେ ଚାଷୀଙ୍କ ସହ ଆଲୋଚନା ପାଇଁ ସରକାର ପ୍ରସ୍ତୁତ ଅଛି ବୋଲି କହିଥିଲେ ।
