ନୂଆଦିଲ୍ଲୀ: ଦିଲ୍ଲୀରେ ଆଜି ଚାଷୀଙ୍କ ମହାପଞ୍ଚାୟତ। ୫ ହଜାର ଚାଷୀଙ୍କୁ ନେଇ ଏହି ମହାପଞ୍ଚାୟତ ସମାରୋହ। ଏମଏସପି ଗ୍ଯାରେଣ୍ଟି ନେଇ ଆନ୍ଦୋଳନରତ ଚାଷୀ ଏହି ମହାପଞ୍ଚାୟତ ଡାକରା ଦେଇଛନ୍ତି। ସଂଯୁକ୍ତ ମୋର୍ଚ୍ଚାର ଏହି ଚାଷୀ ମହାପଞ୍ଚାୟତକୁ ଦିଲ୍ଲୀ ପୋଲିସ ଅନୁମତି ଦେଇଛି। ତେବେ ମହାପଞ୍ଚାୟତ ସମାବେଶ ଲାଗି ସର୍ତ୍ତମୂଳକ ଅନୁମତି ଦେଇଛି ଦିଲ୍ଲୀ ପୋଲିସ।
ଦିଲ୍ଲୀ ପୋଲିସର ସର୍ତ୍ତମୂଳକ ଅନୁମତି ହେଉଛି ଚାଷୀଙ୍କ ମହାପଞ୍ଚାୟତରେ ୫ ହଜାରରୁ ଅଧିକ ଚାଷୀଙ୍କ ସମାଗମ ଲାଗି ଅନୁମତି। ଏହି ସମାଗମ ସ୍ଥଳକୁ କେହି ଟ୍ରାକ୍ଟର କିମ୍ବା ଟ୍ରକ ଧରି ଆସିବେ ନାହିଁ। ସମାଗମ ସରିବା ପରେ ଚାଷୀ ପୁଣିଥରେ ଦିଲ୍ଲୀରୁ ନିଜ ନିଜ ଘରକୁ ଫେରିଯିବେ। ମହାପଞ୍ଚାୟସ୍ଥଳରେ ଚାଷୀ ନିଜ ପାଖରେ କୌଣସି ଅସ୍ତ୍ରଶସ୍ତ୍ର ରଖିପାରିବେମନି। ଦିନ ୧୧ଟାରୁ ଆରମ୍ଭ ହୋଇ ଏହି ମହାପଞ୍ଚାୟତ ଅପରାହ୍ନ ୨ଟାରେ ଶେଷ ହେବ। ଏହି ସବୁ ସର୍ତ୍ତ ରକି ମହାପଞ୍ଚାୟତକୁ ଅନୁମତି ଦେଇଛି ଦିଲ୍ଲୀ ପୋଲିସ। ଦିଲ୍ଲୀର ରାମଲୀଳା ମୈଇଦାନରେ ଏହି ମହାପଞ୍ଚାୟତ ଲାଗି ଅନୁମତି ମିଳିଛି।
ସେପଟେ ଚାଷୀଙ୍କ ଏହି ମହାପଞ୍ଚାୟତରେ ଯୋଗ ଦେବାକୁ ହଜାର ହଜାର ସଂଖ୍ୟାରେ ଚାଷୀ ବାହାରିଛନ୍ତି। ୧ ହଜାରରୁ ଅଧିକ ବସରେ ଚାଷୀ ଏହି ମହାପଞ୍ଚାୟତରେ ଯୋଗ ଦେବାକୁ ବାହାରିଛନ୍ତି। ଏମଏସପି ଗ୍ଯାରେଣ୍ଟି ନେଇ ଆନ୍ଦୋଳନ ଜାରି ରଖିଛି ସଂଯୁକ୍ତ କିଶାନ ମୋର୍ଚ୍ଚା।
