ରେଳ ଧାରଣାରେ ଚାଷୀ, କେନ୍ଦ୍ର ବିରୋଧରେ ରଣହୁଙ୍କାର

ଅମୃତସର: କେନ୍ଦ୍ର ବିରୋଧରେ ଚାଷୀଙ୍କୁ ପୁଣି ରଣହୁଙ୍କାର । ୬ ଘଣ୍ଟିଆା ରେଳ ରୋକ । ସମସ୍ୟାରେ ସାଧାରଣ ଯାତ୍ରୀ ।

ପଞ୍ଜାବ ଅମ୍ରତସରର ଦେବୀ ସାସପୁର ଗାଁରେ କୃଷକ ସଂଗଠନର ବିକ୍ଷୋଭ । ରେଳ ଟ୍ରାକ୍ ଉପରେ ବସି ଚାଷୀ ଚଲାଇଛନ୍ତି ଆନ୍ଦୋଳନ। ଅପରାହ୍ନ୪ଟା ଯାଏଁ ଚାଲିବ ଏହି ଆନ୍ଦୋଳନ । ଭାରତୀୟ କିଷାନ ୟୁନିୟନ ବନ୍ଦକୁ ସଫଳ କରିବା ପାଇଁ ସମସ୍ତ ଚାଷୀ ସଙ୍ଗଠନକୁ ଆହ୍ବାନ ଦିଆଯାଇଛି ।

ତିନି କୃଷି ଆଇନ୍ ପ୍ରତ୍ୟାହାର, ଏମଏସପିରେ ଫସଲ କିଣିବାର ଗ୍ୟାରେଣ୍ଟି ଓ ୟୁପି ଲଖିମପୁର ଚାଷୀ ହତ୍ୟାକାଣ୍ଡ ମାମଲାରେ ଉତ୍ତରପ୍ରଦେଶ ଗୃହମନ୍ତ୍ରୀଙ୍କୁ ବରଖାସ୍ତ କରାଯିବା ଦାବିରେ ଏହି ରେଳ ରୋକ ଡାକରା ଦିଆଯାଇଛି । ଅନେକ ରାଜନୈତିକ ଦଳ ବନ୍ଦକୁ ସମର୍ଥନ ଜଣାଇଛନ୍ତି ।

ସେପଟେ ଲକ୍ଷ୍ନୌରେ ୧୪୪ ଧାରା ଜାରି କରାଯାଇଛି । ଲକ୍ଷ୍ନୌ ପୋଲିସ ପକ୍ଷରୁ ଆନ୍ଦୋଳନକାରୀଙ୍କୁ ଚେତାବନୀ ଦିଆଯାଇଛି । ଆନ୍ଦୋଳନ ବେଳେ ସାମାନ୍ୟ ସ୍ଥିତି ବ୍ୟାହତ କରିବାକୁ ଚେଷ୍ଟା କଲେ ଏନଏସଏ ଲଗାଇବାକୁ ଲକ୍ଷ୍ନୌ ପୋଲିସ କହିଛି ।