ମଙ୍ଗଳବାର କୃଷକ ପାଳିବେ ‘ପଗ୍ଡି ସମ୍ଭାଲ ଦିବସ’
1 min read
ନୂଆଦିଲ୍ଲୀ: ନୂଆ କୃଷି ଆଇନ ପ୍ରତ୍ୟାହାର ଦାବିରେ ଆର୍-ପାର୍ ନୀତିରେ ଚାଷୀ । ତିନି ନୂଆ କୃଷି ଆଇନକୁ ବିରୋଧ କରି ୩ ମାସ ହେଲା ଚାଷୀ ଦିଲ୍ଲୀ ସୀମାରେ ବସି ରହିଛନ୍ତି । ଆନ୍ଦୋଳନକୁ ଆହୁରି ଜୋରଦାର କରିବାକୁ ରଣନୀତି ପ୍ରସ୍ତୁତ ହୋଇଛି । ଆସନ୍ତା ସପ୍ତାହ ପାଇଁ ପ୍ରସ୍ତୁତ ବିବରଣୀ ଚାଷୀ ସଂଗଠନ ପକ୍ଷରୁ ଜାରି କରାଯାଇଛି ।
୨୩ ଫେବୃୟାରୀରେ ସାରାଦେଶରେ ‘ପଗ୍ଡି ସମ୍ଭାଲ ଦିବସ’ ପାଳିବେ ଚାଷୀ । ୨୪ ଫେବୃୟାରୀରେ ଦମନ ବିରୋଧୀ ଦିବସ ପାଳନ କରିବା ସହ ୨୫ ଫେବୃୟାରୀରେ ଦେଶବ୍ୟାପୀ ଚାଷୀମାନେ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ସ୍ମାରକପତ୍ର ପ୍ରଦାନ କରିବେ । ସେହିପରି ୨୬ ତାରିଖରେ ଯୁବ କିଷାନ ଦିବସ ପାଳିବେ ଚାଷୀ । ଏହାପରଦିନ ଅର୍ଥାତ୍ ୨୭ ଫେବୃୟାରୀରେ ମଜଦୁର କିଷାନ ଦିବସ ପାଳନ କରାଯିବ ବୋଲି ଚାଷୀ ନିଷ୍ପତ୍ତି ନେଇଛନ୍ତି ।
