ନନ୍ଦିଘୋଷ ବ୍ୟୁରୋ : ଚାଷୀଙ୍କୁ ମିଳିନି ଟୋକନ। ଅମଳ ଧାନକୁ ରାତିସାରା ପାଳି କରି ଜଗୁଛନ୍ତି ଚାଷୀ।ଜିଲ୍ଲାରେ ସରକାର ତରବରିଆ ଭାବେ ଗତ ୨୩ ତାରିଖରୁ ମଣ୍ଡି ଉଦଘାଟନ କରିଛନ୍ତି। ଏବେ ପ୍ରାୟ ଚାଷୀ ଧାନ ଅମଳ କରି ସାରିଲେଣି। ଧାନକୁ ସୁରକ୍ଷିତ ରଖିବା ପାଇଁ ସୁବିଧା ସ୍ଥାନ ନାହିଁ। ଅନେକ ସମୟରେ ଅମଳ ହୋଇ ଥିବା ଧାନକୁ ଜଙ୍ଗଲି ଜନ୍ତୁ, ନିଆଁ ସହ ଚୋରଙ୍କ ଭୟ ରହିଛି। ଯେଉଁ ଚାଷୀଙ୍କୁ ଏବେ ଟୋକନ୍ ମିଳିଛି ସେମାନେ ମଣ୍ଡିକୁ ଧାନ ନେଇ ବିକ୍ରି କରୁଥିବା ବେଳେ ଅନେକ ଚାଷୀଙ୍କ ଟୋକନ୍ ଆସିନି। ଫଳରେ ଚାଷୀ ଅମଳ ଧାନକୁ ଖଳା ମୁଣ୍ଡରେ ପାଳି କରି ରାତିସାରା ଶୀତ କାକରରେ ଜଗି ରହୁଛନ୍ତି।
