ଜୀବନ ହାରିଲେ ଆଉ ଜଣେ ଅନ୍ନଦାତା

ଜଗତସିଂହପୁର : ପୁଣି ଜଣେ ଚାଷୀଙ୍କ ଆତ୍ମହତ୍ୟା ଅଭିଯୋଗ। ମୃତକ ହେଲେ ଜଗତସିଂହପୁର ଜିଲ୍ଲା ରଘୁନାଥପୁର ବ୍ଲକ ବିଲସାହି ଗାଁର ଅଶୋକ ପରିଡ଼ା। ସେ ୭ ଏକର ଜମିରେ ଧାନ ଚାଷ କରିଥିଲେ। ସୋସାଇଟି ଏବଂ ଗ୍ରୁପରୁ ପ୍ରାୟ ୩ ଲକ୍ଷ ଟଙ୍କା ଲୋନ୍ କରିିଥିଲେ ଚାଷ ପାଇଁ। ଅଦିନିଆ ବର୍ଷାରେ ତାଙ୍କର ସବୁ ଧାନ ନଷ୍ଟ ହୋଇ ଯାଇଛି। ଏଥିପାଇଁ ସେ କିଛି ଦିନ ହେଲା ଚିନ୍ତାରେ ଥିଲେ। ଆଜି ସକାଳେ ବିଲକୁ ଯାଇଥିଲେ ଅଶୋକ । ଚାଷ ନଷ୍ଟର ଧକ୍କା ସହିନପାରି ଆଜି ସକାଳେ ସେ ଘରେ ଆତ୍ମହତ୍ୟା କରିଥିବାର ପରିବାର ଲୋକେ କହିଛନ୍ତି। ଅଶୋକଙ୍କ ଘର ଏବେ କାନ୍ଦ ବୋବାଲିରେ ଫାଟି ପଡୁଛି।