ନନ୍ଦିଘୋଷ ବ୍ୟୁରୋ: କିଛି ଦିନର ବ୍ଯବଧାନ ପରେ ପୁଣି ତେଜିଲା ଚାଷୀ ଆନ୍ଦୋଳନ। ପଞ୍ଜାବର ବିଭିନ୍ନ ସ୍ଥାନରେ ହୋଇଛି ଚାଷୀ ଆନ୍ଦୋଳନ। ଶତାବ୍ଦୀ ଏକ୍ସପ୍ରେସ ସମେତ ଅନ୍ଯାନ୍ଯ ଟ୍ରେନ ଚଳାଚଳ ହୋଇଛି ବାଧାପ୍ରାପ୍ତ। ରାଜ୍ଯରେ ପ୍ରାୟ ୨୦ଟି ଟ୍ରେନର ଚଳାଚଳ ପ୍ରଭାବିତ ହୋଇଛି। ଧାନ ସଂଗ୍ରହ ଓ ଶସ୍ଯ ଅମଳ ପ୍ରସଙ୍ଗରେ ପଞ୍ଜାବ ସରକାର ଓ କେନ୍ଦ୍ର ସରକାରଙ୍କ ନୀତିକୁ ବିରୋଧ କରି ଏହି ଆନ୍ଦୋଳନ ହୋଇଛି। ଅକ୍ଟୋବର ୧ ସୁଦ୍ଧା ବିଭିନ୍ନ ଶସ୍ଯ ସଂଗ୍ରହ ନ କରିବା ସହ ଧାନ ନଉଠାଇବା ଯୋଗୁ ଚାଷୀମାନେ ଆନ୍ଦୋଳନକୁ ଓହ୍ଲାଇଥିଲେ। ଆସନ୍ତାକାଲି ପୁଣି ଥରେ ସେମାନେ ଆନ୍ଦୋଳନାତ୍ମକ ପନ୍ଥା ନେଇ ବୈଠକ କରିବେ ବୋଲି ସୂଚନା ମିଳିଛି। ସଂଯୁକ୍ତ କିଷାନ ମୋର୍ଚ୍ଚା ଅଧୀନରେ ଚାଷୀମାନେ ଆନ୍ଦୋଳନକୁ ଓହ୍ଲାଇଛନ୍ତି। ଯଦି ଧାନ ଓ ଶସ୍ଯ ସଂଗ୍ରହ ନୀତିରେ ସରକାର ଟାଳଟୁଳ ନୀତି ଅବଲମ୍ବନ କରନ୍ତି ତେବେ ପୁଣି ଥରେ ବଡଧରଣର ଆନ୍ଦୋଳନ କରାଯିବ ବୋଲି ଚାଷୀ ନେତା କହିଛନ୍ତି।
