ମୁମ୍ବାଇରେ ଚାଷୀଙ୍କ ମେଗାରାଲି, ଏନସିପି ସୁପ୍ରିମୋ ଶରଦ ପାୱାର୍ ହେବେ ସାମିଲ୍

ନୂଆଦିଲ୍ଲୀ: ଗଣତନ୍ତ୍ର ଦିବସରେ କାଲି ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ଟ୍ରାକ୍ଟର ରାଲି କରିବେ ଚାଷୀ। ତେବେ ଟ୍ରାକ୍‌ଟର ପରେଡ୍, ସମର୍ଥନରେ ଆଜି ମୁମ୍ବାଇରେ ଚାଷୀଙ୍କ ମହାରାଲି। କେନ୍ଦ୍ର ସରକାରଙ୍କ ନୂଆ କୃଷି ଆଇନକୁ ବିରୋଧ କରି ହଜାର ହଜାର ଚାଷୀ ଆଜି ମୁମ୍ବାଇରେ ମେଗା ରାଲି କରିବେ। ଆଜି ଏହି ରାଲିରେ ଏନସିପି ସୁପ୍ରିମୋ ଶରଦ ପାୱାର୍ ବି ଯୋଗଦେବେ।

ଗତକାଲି ନାସିକରୁ ପ୍ରାୟ ୨୧ ଜିଲ୍ଲାର ଚାଷୀ ୧୮୦ କିଲୋମିଟର ଯାତ୍ରା କରି ମୁମ୍ବାଇରେ ପହଞ୍ଚିଛନ୍ତି। ସେହିପରି ଅଲ ଇଣ୍ଡିଆ କିଶାନ ସଭାର ମହାରାଷ୍ଟ୍ର ୟୁନିଟ ପକ୍ଷରୁ ୧୫ ହଜାର ଚାଷୀ ମୁମ୍ବାଇରେ ପହଞ୍ଚିଛନ୍ତି। ରାଲିକୁ ନଜରରେ ରଖି ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି । ଆଜାଦ ମଇଦାନରେ ପୋଲିସର ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି।

Maharashtra: Farmers from various districts of the state gather at Azad Maidan in Mumbai, in protest against #FarmLaws. A protester says, "We'll give memorandum to Governor today. Our families have also come with us because if we lose farming, the entire family will come on road" pic.twitter.com/AdCa6CLIbv

— ANI (@ANI) January 25, 2021

ଗତକାଲି ଚାଷୀ ଆନ୍ଦୋଳନ ନେଇ କେନ୍ଦ୍ର ସରକାରଙ୍କୁ ଚେତାବନୀ ଦେଇଛନ୍ତି ଶରଦ ପାଓ୍ବାର। ଶରଦ କହିଛନ୍ତି, କୃଷି ଆଇନ ନେଇ ସରକାର ତୁରନ୍ତ କିଛି ପଦକ୍ଷେପ ନିଅନ୍ତୁ ନେହେଲେ ସ୍ଥିତ ଜଟିଳ ହେବ । ଆଉ ଏଥିପାଇଁ ସରକାର ଦାୟୀ ରହିବେ।