୨୮ ଦିନରେ ଚାଷୀ ଆନ୍ଦୋଳନ: ଆଜି କିଶାନ ଦିବସରେ ଉପବାସ ରହିବେ ଅନ୍ନଦାତା
ନୂଆଦିଲ୍ଲୀ: କେନ୍ଦ୍ର ସରକାରଙ୍କ ନୂଆ କୃଷି ଆଇନ୍କୁ ନେଇ ଚାଷୀ ଆନ୍ଦୋଳନ ୨୮ ଦିନରେ ପହଞ୍ଚିଛି। ଆଇନ ପ୍ରତ୍ୟାହାର ଦାବିରେ ଶୀତ, କାକରରେ ଆନ୍ଦଳୋନରେ ବସିଛନ୍ତି ଚାଷୀ। ସେପଟେ ଜିଦ୍ରେ ଅଟଳ ସରକାର। ବାରମ୍ବାର ବୈଠକ ପରେ ବି କିଛି ନିଷ୍କର୍ସ ମିଳିପାରିନି। ଅନ୍ୟପଟେ ଆଜି କିଶାନ ଦିବସ ଅବସରରେ ଚାଷୀ ସଂଗଠନ ଦ୍ୱିପ୍ରହରର ଖାଦ୍ୟ ନଖାଇ ଉପବାସ ରହି ଆନ୍ଦୋଳନ ଜାରି ରଖିବାକୁ ନିଷ୍ପତ୍ତି ନେଇଛି।
ଜଣାଇଦେବାକୁ ଚାହୁଁ, ପୂର୍ବତନ ପ୍ରଧାନମନ୍ତ୍ରୀ ଚୌଧରୀ ଚରଣ ସିଂହଙ୍କ ଜନ୍ମଦିନକୁ ପ୍ରତିବର୍ଷ କିଶାନ ଦିବସ ରୂପେ ପାଳନ କରାଯାଏ। ତେବେ ଚାଷୀଙ୍କ ସହ ଆଉଥରେ ଆଲୋଚନା କରିବାକୁ କେନ୍ଦ୍ର ସରକାର ପ୍ରସ୍ତାବ ଦେଇଛନ୍ତି। ହେଲେ ସରକାରଙ୍କ ସହ ଆଉଥରେ ବୈଠକ ହେବ କି ନାହିଁ ସେ ନେଇ ଆଜି ଆଉ ଥରେ ବସିବ ଚାଷୀ ସଂଗଠନ ବୈଠକ। ଦିନ ୧୧ଟା ପରେ ଦିଲ୍ଲୀ ସିଂଘୁ ବର୍ଡରରେ ଆଜି ପୁଣି ଚାଷୀ ସଂଗଠନଗୁଡ଼ିକର ବୈଠକ ବସିବ।
