Farmers Prostests: ରାଲି ବେଳେ ଟ୍ରାକ୍ଟର ଓଲଟି ଚାଷୀ ମୃତ

ନୂଆଦିଲ୍ଲୀ: ହିଂସାତ୍ମକ ରୂପ ନେଇଛି ଦିଲ୍ଲୀରେ କୃଷକଙ୍କ ଟ୍ରାକ୍ଟର ପରେଡ୍ । ରାଲି ନାଁରେ ହିଂସା ଭିଆଇଛନ୍ତି ଆନ୍ଦୋଳନକାରୀ । ପୋଲିସ ବାରିକେଡ୍ ଭାଙ୍ଗି ଆଇଟିଓ ଆଡ଼କୁ ଟ୍ରାକ୍ଟର ଧରି ହଜାର ହଜାର ଚାଷୀ ମାଡ଼ି ଯାଉଥିବା ବେଳେ ଟ୍ରାକ୍ଟର ଓଲଟି ଜଣେ ଆନ୍ଦୋଳନକାରୀଙ୍କ ମୃତ୍ୟୁ ହୋଇଛି । ମଙ୍ଗଳବାର ମଧ୍ୟାହ୍ନରେ କେନ୍ଦ୍ରୀୟ ଦିଲ୍ଲୀର ମିଣ୍ଟୋ ରୋଡରେ ଘଟିଛି ଏହି ଅଘଟଣ ।

ଓଲଟି ପଡ଼ିଥିବା ଟ୍ରାକ୍ଟର ଚକା ତଳୁ ଚାଷୀଙ୍କ ମୃତଦେହ ମିଳିଛି । ପୋଲିସ ଗୁଳିରେ ଚାଷୀଙ୍କ ଜଣଙ୍କ ମୃତ୍ୟୁ ହୋଇଥିବା ଆନ୍ଦୋଳନକାରୀ କୃଷକ ଅଭିଯୋଗ କରିଛନ୍ତି । ଆନ୍ଦୋଳନରତ କୃଷକ ମୃତ ଚାଷୀଙ୍କ ଶବ ଉପରେ ଜାତୀୟ ପତାକା ଘୋଡ଼ାଇ ଆଇଟିଓରେ ଆନ୍ଦୋଳନ କରିଛନ୍ତି । ପୋଲିସ ଗୁଳିରେ ଟ୍ରାକ୍ଟର ଓଲଟି ପଡ଼ିବାରୁ ଚାଷୀ ଜଣଙ୍କ ମୃତ୍ୟୁ ହୋଇଥିବା ଆନ୍ଦୋଳନକାରୀ ଅଭିଯୋଗ କରିଛନ୍ତି ।