ହାଇଦ୍ରାବାଦର ଜାତୀୟ ପୋଲିସ ଏକାଡେମୀରେ IPS ଅଭୟଙ୍କୁ ବିଦାୟ ସମ୍ୱର୍ଦ୍ଧନା
1 min read
ଭୁବନେଶ୍ୱର : ଖୁବଶୀଘ୍ର ଓଡ଼ିଶାର ନୂଆ ଡିଜିପି ଭାବେ ଯୋଗଦେବେ ୧୯୮୬ ବ୍ୟାଚର ବରିଷ୍ଠ ଆଇପିଏସ୍ ଅଫିସର ଶ୍ରୀ ଅଭୟ । ନଭେମ୍ବର ୨୧ ତାରିଖରେ ଗୃହ ମନ୍ତ୍ରାଳୟ ପକ୍ଷରୁ ଜାରି ବିଜ୍ଞପ୍ତିରେ ଅଭୟଙ୍କୁ ଓଡ଼ିଶାର ପରବର୍ତ୍ତୀ ଡିଜିପି ଭାବେ ନୂଆ ନିଯୁକ୍ତି ଦିଆଯାଇଥିଲା ।
ସେ କେନ୍ଦ୍ରୀୟ ଡେପୁଟେସନରେ ଥିବା ସହ ହାଇଦ୍ରାବାଦର ସର୍ଦ୍ଦାର ବଲ୍ଲଭଭାଇ ଜାତୀୟ ପୋଲିସ ଏକାଡେମୀରେ ନିର୍ଦ୍ଦେଶକ ଭାବେ କାର୍ଯ୍ୟ କରୁଥିଲେ ।
https://nandighoshatv.comwhy-bk-sharma-removed-from-the-post-of-dgp/
ଆଜି ହାଇଦ୍ରାବାଦ ସ୍ଥିତ ସର୍ଦ୍ଦାର ବଲ୍ଲଭଭାଇ ପଟେଲ ଜାତୀୟ ପୋଲିସ ଏକାଡେମୀର ନିର୍ଦ୍ଦେଶକ IPS ଅଭୟଙ୍କୁ ବିଦାୟ ସମ୍ବର୍ଦ୍ଧନା ଦିଆଯାଇଛି । ଏହି ଅବସରରେ ଫେୟାରଓ୍ୱେଲ୍ ପରେଡରେ ଭାଗନେଇଥିଲେ ଅଭୟ। ୭୦ ଓ ୭୧ ବ୍ୟାଚର ଆଇପିଏସ ଅଫିସରଙ୍କ ଟ୍ରେନିଂ ବେଳେ ସେ ନିର୍ଦ୍ଦେଶକ ଭାବେ କାର୍ଯ୍ୟ ତୁଲାଇଥିଲେ ।
ଡିଜିପି ଥିବା ବି.କେ ଶର୍ମାଙ୍କର ବଦଳି ପରେ, ଇନଚାର୍ଜ ଡିଜିପି ଭାବେ ସତ୍ୟଜିତ୍ ମହାନ୍ତିଙ୍କୁ ଦାୟିତ୍ୱ ଦିଆଯାଇଥିଲା । ଖୁବଶୀଘ୍ର ପୂର୍ଣ୍ଣକାଳୀନ ଓଡ଼ିଶାର ନୂଆ ଡିଜିପି ଭାବେ ଅଭୟ ଯୋଗଦେବେ ବୋଲି ଜଣାପଡ଼ିଛି ।
