ପୁରୁଣାଠୁ ଶସ୍ତା ହେବ ନୂଆ AC 3 ଟାୟର କୋଚ୍ ଯାତ୍ରା

ନୂଆଦିଲ୍ଲୀ: ଟ୍ରେନ୍ ଯାତ୍ରୀଙ୍କ ପାଇଁ ଖୁସି ଖବର । ନୂଆ ଏସି ଥ୍ରୀ ଟାୟର ଇକୋନମି କ୍ଲାସ କୋଚରେ ଯାତ୍ରା ବର୍ତ୍ତମାନର ପ୍ରଚଳିତ ଏସି କୋଚ ଠାରୁ ଶସ୍ତା ରହିବ । ଦର ପ୍ରାୟ ୮ ପ୍ରତିଶତ କମ ରହିବ ଏବଂ ଆରମଦାୟକ ଯାତ୍ରା ସୁବିଧା ମିଳିବ ବୋଲି ଶନିବାର ଭାରତୀୟ ରେଲୱେ ସୂଚନା ଦେଇଛି ।

ନୂଆ କୋଚର ଭଡ଼ା ମେଲ ଓ ଅକ୍ସପ୍ରେସର ଟ୍ରେନର ବର୍ତ୍ତମାନ ସ୍ଲିପର କ୍ଲାସ ଭଡ଼ାଠାରୁ ୨.୪ ଗୁଣା ଅଧିକ । ରେଲୱେ ବିଭିନ୍ନ ଜୋନରେ ୫୦ଟି ନୂଆ କୋଚ୍ ଦେଇଛି । ଏହି କୋଚକୁ ମେଲ୍ ଏକ୍ସପ୍ରେସ୍ ସହ ସଂଯୋଗ କରାଯିବ । ଯେଉଁ ଟ୍ରେନ୍ ଅଧିକ କୋଚ ସହ ଚାଲୁଛି ସେଥିରେ ସ୍ଲିପର ସ୍ଥାନରେ ଏହି କୋଚକୁ ଲଗାଯିବ ।

୩୦୦ କିଲୋମିଟର ଯାଏଁ ମୂଳ ଭଡ଼ା ୪୪୦ ଟଙ୍କା ଯାହା ଦୂରତା ଅନୁସାରେ ସବୁଠୁ କମ୍ । ଯେତେବେଳେ କି ସର୍ବାଧିକ ଭଡ଼ା ୪୯୫୧ କିଲୋମିଟରରୁ ୫ ହଜାର କିମି ଯାଏଁ ୩୦୬୫ ଟଙ୍କା ରହିବ । ଏହି ନୂତନ କୋଚରେ ୮୩ଟି ସିଟ୍ ରହିଛି ।