ମଧ୍ୟରାତ୍ରିରେ ମନ୍ନତ ସାମନାରେ ପ୍ରବଳ ଭିଡ, ରିଟର୍ଣ୍ଣ ଗିଫ୍ଟ ଦେଲେ କିଙ୍ଗ୍ ଖାନ୍
ମୁମ୍ବାଇ: ଆଜି ବଲିଉଡର କିଙ୍ଗ ଖାନ୍ ଶାହରୁଖଙ୍କ ଜନ୍ମଦିନ । ୫୭ ବର୍ଷ ବୟସରେ ପାଦ ଦେଲେ ଶାହାରୁଖ । ମଧ୍ୟରାତ୍ରିରେ ଶାହରୁଖଙ୍କ ବାସଭବନ ମନ୍ନତ ସାମନାରେ ଜନ୍ମଦିନର ଶୁଭେଚ୍ଛା ଜଣାଇଲେ ଫ୍ୟାନ୍ । ପ୍ରଶଂସକଙ୍କୁ ବାଲକୋନିରୁ ହାତ ହଲାଇ ଶୁଭେଛା ଜଣାଇଥିଲେ ବାଦଶାହା । ଯାହାର ଫଟୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।
ଆଜି ବି ରୋମାଣ୍ଟିକ ଷ୍ଟାର ଭାବେ ଫ୍ୟାନଙ୍କ ହୃଦୟରେ ରାଜ୍ କରୁଛନ୍ତି ଶାହରୁଖ। ଜନ୍ମଦିନ ଅବସରରେ ବଲିଉଡ୍ ବାଦଶାହାଙ୍କ ପାଇଁ ଚାରିଆଡୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ସେପଟେ ଆଜି ଜନ୍ମଦିନରେ ଶାହାରୁଖଙ୍କ ଅପକମିଂ ଫିଲ୍ମ ପଠାନର ଟିଜର ରିଲିଜ ହୋଇଛି । ଫିଲ୍ମଟି ଆସନ୍ତା ବର୍ଷ ଜାନୁଆରୀ ୨୫ ରେ ବଡ ପରଦାରେ ରିଲିଜ ହେବ ।
