କ୍ଷତିପୂରଣ ପ୍ରଦାନ ପରେ ହଟିଲା ଆନ୍ଦୋଳନ: ୬ ଦିନ ପରେ ମୃତଦେହକୁ ଗ୍ରହଣ କଲେ ପରିବାର ଲୋକେ

ରାଉରକେଲା: ଇସ୍ପାତ କାରଖାନର ମେଟେରିଆଲ ବିଭାଗ ନିକଟରେ ମୃତ୍ୟୁ ହୋଇଥିବା ଠିକା କର୍ମଚାରୀଙ୍କ ପରିବାରଙ୍କୁ ସାଢ଼େ ତିନି ଲକ୍ଷ ଟଙ୍କାର ଆର୍ଥିକ ସହାୟତା ପ୍ରଦାନ କରାଯିବା ପରେ ୬ଦିନ ଧରି ଚାଲିଥିବା ଆନ୍ଦୋଳନ ହଟିଛି  । ମୃତଦେହକୁ ପରିବାର ଲୋକ ଗ୍ରହଣ କରିଛନ୍ତି । ଗତ ଦୁଇ ତାରିଖରେ ଠିକା କର୍ମଚାରୀ ଭିକାରୀ ଚରଣ ଲେଙ୍କାର କାର୍ଯ୍ୟରତ ସମୟରେ ମୃତ୍ୟୁ ହୋଇଥିଲା । ରାଉରକେଲା ଇସ୍ପାତ କାରଖାନରେ ଠିକା କର୍ମଚାରୀ ଭାବେ କାମ କରୁଥିଵା ସମୟରେ ମୃତ୍ୟୁ ହୋଇଥିଲା। କାର୍ଯ୍ୟ କରୁଥିବା ସମୟରେ ମୃତ୍ୟୂ ବରଣ କରିଥିବାରୁ ଆର୍ଥିକ ଷତିପୁରଣ ସହିତ ପରିବାରର ଜଣେ ସଦସ୍ୟଙ୍କୁ ରାଉରକେଲା ଇସ୍ପାତ କାରଖାନାରେ ଚାକିରି ପାଇଁ ଦାବି କରି ଗତ ଦୁଇ ତାରିଖ ଠାରୁ ମୃତକଙ୍କ ପରିବାର ଲୋକ ମୃତଦେହ ଗ୍ରହଣ ନକରି ଆନ୍ଦୋଳନ କରୁଥିଲେ। ତେଵେ ଦାଵି ପୂରଣ ହେବା ପରେ ଇସ୍ପାତ ଜେନେରାଲ ହସପିଟାଲ ମର୍ଗ ହାଉସ୍‌ରେ ଅଟକ ଥିବା ମୃତଦେହ ଆଜି ପରିବାର ଲୋକ ଗ୍ରହଣ କରିବା ପରେ ବ୍ୟବଚ୍ଛେଦ ପାଇଁ ପଠାଯାଇଛି।

ସାମାଜିକ କର୍ମୀ ଭୂମିକାରେ ଓଲିଉଡ୍ ସେଲିବ୍ରିଟି ବର୍ଷା: ଗରିବ ଲୋକଙ୍କ ପାଇଁ ସଂଗ୍ରହ କଲେ ବସ୍ତ୍ର