ବିଦ୍ୟୁତ୍ ତାର ଲାଗି ହରାଇଲେ ଦୁଇ ହାତ, ଆର୍ଥିକ ସହାୟତା ପାଇଁ ପରିବାରର ନିବେଦନ

ବ୍ରହ୍ମପୁର :  ଫୁଲ ତୋଳୁଥିବା ବେଳେ ବିଦ୍ୟୁତ ତାର ଲାଗି ଗୁରୁତର ଆହାତ ହୋଇଥିଲେ ଦିଗପହଣ୍ଡି କରପଡା ଗାଁର ରବି ବେହେରା। ଏଭଳି ଏକ ଦୁର୍ଘଟଣା ଘଟିବା ପରେ ତାଙ୍କର ଦୁଇ ହାତ କାଟି ଦିଆଯାଇଛି। ଦଶମ ଶ୍ରେଣୀରେ ପଢନ୍ତି ରବି। ଜଣେ ମେଧାବୀ ଛାତ୍ରୀ ଭାବେ ପରିଚିତ। ଆଗକୁ ପାଠ ପଢା କେମିତି ହେବ ସେଇ ଚିନ୍ତାରେ। ରବିଙ୍କୁ ସରକାରୀ ସହାୟତା ପାଇଁ ନିବେଦନ କରିଛନ୍ତି ପରିବାର ସଦସ୍ୟ ।

ଯେତେବେଳେ ସାଙ୍ଗ ମାନେ ଘରେ ରାସ୍ତା ଦେଇ ସ୍କୁଲ ଯାଆନ୍ତି ସେତେବେଳେ ରବି ନିଜ ସହପାଠୀଙ୍କୁ ଦେଖି ଆଖି ଛଳଛଳ କରିପକାନ୍ତି। ସେପଟେ ରବିକୁ ମାଟ୍ରିକ ପରୀକ୍ଷା ଦେବା ପାଇଁ ବ୍ୟବସ୍ଥା କରିବେ ବୋଲି ପ୍ରତିଶୃତି ଦେଇଛନ୍ତି ପ୍ରଧାନ ଶିକ୍ଷକ। ବିଦ୍ୟୁତ ବିଭାଗର ବେପରୱା କାର୍ଯ୍ୟ ଯୋଗୁଁ ତାଙ୍କ ଭାଇର ଭବିଷ୍ୟତ ନଷ୍ଟ ହୋଇଥିବା ରବିଙ୍କ ସମ୍ପର୍କୀୟ ଭାଇ ଅଭିଯୋଗ କରିଛନ୍ତି। ବିପଦ ପୂର୍ଣ୍ଣ ଭାବେ ତାର ଓହଳି ଅନେକ ଲୋକ ଗୁରୁତର ହେଉଥିବା ଗାଁ ଲୋକେ ଅଭିଯୋଗ କରିଛନ୍ତି।