ନକଲି ଭିଜିଲାନ୍ସ ଏସପି ମନୋଜ ମାଝିର ଆଜି ସରିବ ରିମାଣ୍ଡ ଅବଧି

ଭୁବନେଶ୍ୱର: ନକଲି ଭିଜିଲାନ୍ସ ଏସପି ମନୋଜ ମାଝିର ଆଜି ସରିବ ରିମାଣ୍ଡ ଅବଧି । ରିମାଣ୍ଡ ବେଳେ STF ହାତରେ ଲାଗିଛି ସାଙ୍ଘାତିକ ତଥ୍ୟ  । ‘ଲଭ କେଲିୟେ କୁଛ ଭି କରେଗା’ ଷ୍ଟାଇଲରେ ଉଡ଼ାଉଥିଲା ଟଙ୍କା । ଠକେଇ ଟଙ୍କାରେ ପ୍ରେମିକାକୁ ବୁଲାଇ ନେଉଥିଲା ବିଦେଶ । ଏହା ସହ ଲୋକଙ୍କୁ ଲଗାଉଥିଲା ଚୂନ । ଠକେଇ ଟଙ୍କାରେ ପ୍ରେମିକାକୁ କିଣି ଦେଉଥିଲା ସୁନା । ଏପରିକି ରିଲାକ୍ସ ହେବା ପାଇଁ ଠକ ପିଉଥିଲା ୨୦ ହଜାର ଟଙ୍କିଆ ମଦ । ମନୋଜଙ୍କ ପ୍ରେମିକା ଏକ ପ୍ରାଇଭେଟ କମ୍ପାନୀରେ କାମ କରନ୍ତି ବୋଲି ସୂଚନା ମିଳିଛି । ଖୁବଶୀଘ୍ର ତାଙ୍କୁ ମଧ୍ୟ ତଦନ୍ତ ପରିସରଭୁକ୍ତ କରାଯିବ । ଠକ ମନୋଜର ଘର ପୁରୀ ଜିଲ୍ଲା କୃଷ୍ଣପ୍ରସାଦରେ । ନିଜକୁ ଭିଜିଲାନ୍ସ ଏସପି ପରିଚୟ ଦେଇ ଲୋକଙ୍କୁ ଚୂନ ଲଗାଉଥିଲା ଏହି ଠକ । ମନୋଜର ୩ଟି ଆକାଉଣ୍ଟରୁ ମିଳିଛି ମାତ୍ର ୬୫ ଟଙ୍କା ।