କଟକ: ନକଲି ଓ ଅପମିଶ୍ରିତ ମସଲାଗୁଣ୍ଡ, ସସ୍ ଓ ଘିଅକୁ ନଷ୍ଟ କଲା ପୋଲିସ
କଟକ: କଟକରେ ଜବତ ନକଲି ସାମଗ୍ରୀକୁ ଆଜି ପୁଣି ନଷ୍ଟ କରିଛି କମିଶନରେଟ ପୋଲିସ । ଆଜି ତିନୋଟି କମ୍ପାନୀର ନକଲି ଓ ଅପମିଶ୍ରିତ ହଳଦୀ, ଲଙ୍କାଗୁଣ୍ଡ, ମସଲାଗୁଣ୍ଡ, ସସ୍ ଓ ଘିଅକୁ ନଷ୍ଟ କରିଛି ପୋଲିସ । ହାଇକୋର୍ଟରୁ ନିର୍ଦ୍ଦେଶ ପାଇବା ପରେ ଏହି ସମସ୍ତ ଅପମିଶ୍ରିତ ଖାଦ୍ୟ ସାମଗ୍ରୀକୁ ପୋତି ନଷ୍ଟ କରାଯାଇଛି । ଗତ ନଭେମ୍ବର ୧୪ ତାରିଖରେ ଚଢ଼ାଉ କରି ଏସବୁ ନକଲି ସାମଗ୍ରୀ ଜବତ କରାଯାଇଥିଲା ।
