ରାଜଧାନୀରୁ ଜବତ ହେଲା ୭ ଲକ୍ଷ ଟଙ୍କାର ନକଲି ନୋଟ୍
ଭୁବନେଶ୍ୱର: ରାଜଧାନୀରୁ ଜବତ ହେଲା ପୁଳା ପୁଳା ନକଲି ନୋଟ୍ । ଭୁବନେଶ୍ୱରରୁ ୭ ଲକ୍ଷର ନକଲି ନୋଟ୍ ଜବତ ହୋଇଛି । ନକଲି ନୋଟ୍ ଜବତ କରିଛି ଖାରବେଳ ନଗର ଥାନା ପୋଲିସ୍ । ଏହି ଜାଲ ନୋଟ୍ ଜବତ ସହ ୨ ଜଣଙ୍କୁ ଗିରଫ କରିଛି ପୋଲିସ୍ । ଏହା ସହ ୭ ଲକ୍ଷର ୨୦୦ ଟଙ୍କିଆ ନକଲି ନୋଟ ସହ ପ୍ରିଣ୍ଟି ମେସିନ ଜବତ କରାଯାଇଛି । ଏନେଇ ସୂଚନା ଦେଇଛନ୍ତି ଭୁବନେଶ୍ୱର ଡିସିପି ଉମାଶଙ୍କର ଦାଶ ଏନେଇ ସୂଚନା ଦେଇଛନ୍ତି ।
ସୂଚନା ଅନୁଯାୟୀ, ଜାଲ୍ ନୋଟ କାରବାର ନେଇ ପୋଲିସ ପାଖକୁ ଏକ ବିଶେଷ ସୂତ୍ରରେ ସୂଚନା ମିଳିଥିଲା । ମିଳିଥିବା ସୂଚନା ଆଧାରରେ ଖାରବେଳନଗର ଥାନା ପୋଲିସ ଉକ୍ତ ଅଞ୍ଚଳରେ ଚଢ଼ାଉ ଆରମ୍ଭ କରିଥିଲେ । ଏହି ଚଢାଉରେ ୨୦୦ ଟଙ୍କିଆ ନକଲି ନୋଟ ଜବତ କରିଛି ପୋଲିସ । ତେବେ ଜବତ ହୋଇଥିବା ଟଙ୍କା ପ୍ରାୟ ୭ ଲକ୍ଷ ହେବ ବୋଲି ପୋଲିସ କହିଛି । ଏହା ସହିତ ନକଲି ନୋଟ କାରବାର ଅଭିଯୋଗରେ ୨ ଜଣଙ୍କୁ ଗିରଫ କରିଛି ପୋଲିସ ।
