ନକଲି ଖଣ୍ଡଗିରି ଥାନା ଆଇଆଇସି ଗିରଫ
1 min read
ଭୁବନେଶ୍ୱର: ପୁଣି ରାଜଧାନୀରେ ନକଲି ଆଇପିଏସ ପରେ ନକଲି ଆଇଆଇସି ଗିରଫ ହୋଇଛି । କାଲି ଫେକ୍ ଲେଡି ଆଇପିଏସ । ଆଜି ରାଜଧାନୀରୁ ନକଲି IIC ଗିରଫ । ଭୁବନେଶ୍ୱର ବଡ଼ଗଡ ଅଞ୍ଚଳରୁ ନକଲି IICକୁ ଗିରଫ କରିଛି ଖଣ୍ଡଗିରି ଥାନା ପୋଲିସ । ଏକ ଦୁଷ୍କର୍ମ ମାମଲାର ରଫାଦଫା କରିବାକୁ ବ୍ଲାକମେଲ କରୁଥିଲା ଉକ୍ତ ଯ଼ୁବକ । ନାବାଳିକା ପୀଡ଼ିତାଙ୍କୁ ପ୍ରେମ ନିବେଦନ ମଧ୍ୟ କରୁଥିଲେ ବୋଲି ଅଭିଯୋଗ ରହିଛି । ଏହା ସହ ତାର ୨ ସହଯୋଗୀଙ୍କୁ ମଧ୍ୟ ପୋଲିସ ଗିରଫ କରିବା ସହ ମୋବାଇଲ ଜବତ କରିଛି । ନକଲି IIC ଜଣେ ସାମ୍ବାଦିକ ହୋଇଥିବା ମଧ୍ୟ ସୂଚନା ରହିଛି । ଯ଼ୁବକଙ୍କୁ ପୋଲିସ ଗରିଫ କରି କଲ ରେକର୍ଡ ଯାଞ୍ଚ କରୁଛି ।
ଗତ କାଲି ମଧ୍ୟ ରାଜଧାନୀରେ ନକଲି ଆଇପିଏସ ଅଫିସରକୁ ଗିରଫ କରାଯାଇଥିଲା । ନିଜକୁ ଆଇପିଏସ ଅଫିସର ପରିଚୟ ଦେଇ ପୋଲିସର ଗାଡି, କ୍ୱାଟର୍ସ ଓ ଅନ୍ୟାନ୍ୟ ସୁବିଧା ସୁଯୋଗ ନେବାକୁ ଉଦ୍ୟମ କରୁଥିଲେ । ଏ ନେଇ ରିଜର୍ଭ ପୋଲିସ ଲାଇନକୁ ବାରମ୍ବର ଫୋନ କରି ଚାପ ପକାଉଥିଲେ । କେବଳ ସେତିକି ନୁହେଁ ନିଜ ପରିବାରର ଓ ମହିଳା କନେଷ୍ଟବଳ ବନ୍ଧୁଙ୍କ ଡ୍ୟୁଟି ପରିବର୍ତ୍ତନ କରିବାକୁ ଫୋନରେ ଚାପ ପକାଉଥିଲେ । ଉକ୍ତ ମହିଳାଙ୍କ ବିରୋଧରେ ଅଭିଯୋଗ ହେବା ପରେ ମହିଳାଙ୍କୁ ଥାନାରେ ହାଜର ହେବା ପାଇଁ ପୋଲିସ ନୋଟିସ କରିଥିଲା ।
