କ୍ରାଇମବ୍ରାଞ୍ଚ କବ୍ଜାରେ ନକଲି ଆଇଏଏସ୍: ପ୍ରୋଜେକ୍ଟ କରେଇଦେବା ନାଁରେ କୋଟିଏ ଟଙ୍କା ଠକିଥିଲେ
ଭୁବନେଶ୍ୱର: କ୍ରାଇମବ୍ରାଞ୍ଚ କବଜାରେ ନକଲି ଆଇଏଏସ ସୂର୍ଯ୍ୟମଣି ତ୍ରିପାଠୀ । ନକଲି ଆଇଏଏସ ଓ ପିଓଡବ୍ଳ୍ୟୁ ଅଧିକାରୀ କହି ୧ କୋଟି ଟଙ୍କାର ଚୂନ । ଓଡ଼ିଶାରେ ଠିକାଦାରୀ ଦେବା ନାମରେ ଠକେଇ । ଦିଲ୍ଲୀର ଷ୍ଟିଲ ବ୍ୟବସାୟୀ ରିକବ ଚାନ୍ଦ ଓରଫ ମୁକେଶ ଜୈନଙ୍କ ଠାରୁ ଠକେଇ । ନକଲି ଆଇଏଏସ ସୂର୍ଯ୍ୟମଣି ତ୍ରିପାଠୀ ନିଜକୁ ଅତିରିକ୍ତ ସଚିବ ପରିଚୟ ଦେଇଥିବା ବେଳେ ଅମିତ ସ୍ୱାଇଁ ନିଜକୁ ପିଡବ୍ଲ୍ୟୁଡି ଆସିଷ୍ଟାଣ୍ଟ ଇଞ୍ଜିନିୟର ପରିଚୟ ଦେଇ ଭୂଆଁ ବୁଲାଇଥିଲେ । ନକଲି ଅଫିସର ରାଜେଶ ଗେହେଲଟ ଓ ଟ୍ରେଜର ଲେଡି ଅଫିସର ଏବେ ଫେରାର ଅଛନ୍ତି । କେନ୍ଦ୍ର ସରକାରଙ୍କ ବଡ଼ ବଡ଼ ପ୍ରୋଜେକ୍ଟ କରାଇ ଦେବା ନାଁରେ ଠକେଇ ଅଭିଯୋଗରେ ୨ ଜଣଙ୍କୁ ଗିରଫ କରିଛି କ୍ରାଇମବ୍ରାଞ୍ଚ ଇଓଡବ୍ଲ୍ୟୁ । ସେ ନିଜକୁ ପିଡବ୍ଲ୍ୟୁଡିର ଅତିରିକ୍ତ ସଚିବ ଭାବେ ପରିଚୟ ଦେଇଥିବା ବେଳେ, ଅମିତ ସ୍ବାଇଁ ନିନକୁ ପିଡବ୍ଲ୍ୟୁଡିର ଆସିଷ୍ଟାଣ୍ଟ ଇଞ୍ଜିନିୟର ପରିଚୟ ଦେଉଥିଲା ।
ସେହିପରି ନକଲି ର’ ଅଫିସର ରାଜେଶ ଗେହେଲଟ ଓ ନକଲି ଟ୍ରେଜରି ଲେଡି ଅଫିସର ଏବେ ଫେରାର ଅଛନ୍ତି । ଠକେଇ ଅଭିଯୋଗ ପରେ ତଦନ୍ତ ଆରମ୍ଭ କରିଛି ଇଓଡବ୍ଲ୍ୟୁ । ସୂଚନା ଅନୁସାରେ, ଦିଲ୍ଲୀର ରିକବ ଚାନ୍ଦ ଓରଫ ମୁକେଶ ଜୈନ ଦିଲ୍ଲୀର ଏକ ଷ୍ଟ୍ରେନ ଲେସ୍ ଷ୍ଟିଲ୍ ନାଁରେ କମ୍ପାନୀ କରିଥିଲେ । ଅଭିଯୁକ୍ତ ସୂର୍ଯ୍ୟମଣି ତ୍ରିପାଠୀ, ଅମିତ, ଦିଲ୍ଲୀର ରାଜେଶ ଗେହେଲଟ ନିଜକୁ ର’ ଅଫିସରର ପରିଚୟ ଦେଇ ମୁକେଶଙ୍କ ଠାରୁ ୧ କୋଟି ୧୭ ଲକ୍ଷ ଟଙ୍କା ଠକେଇ କରିଥିଲେ । ଏଥିରେ ଜଣେ ମହିଳାଙ୍କ ସଂପୃକ୍ତି ଥିବା ବେଳେ, ନିଜକୁ ଟ୍ରେଜେରୀ ଅଫିସର ପରିଚୟ ଦେଇଥିଲେ । ମୁକେଶଙ୍କର ଭୁବନେଶ୍ବର କଳିଙ୍ଗ ନଗର ନିକଟରେ ଏକ ବ୍ରାଞ୍ଚ ଅଫିସ ରହିଛି । ଯାହାକୁ ତାଙ୍କ ପୁଅ ଅକ୍ଷୟ ବୁଝୁଥିଲେ ।
୨୦୧୭ରେ ତାଙ୍କର ଜଣେ ବନ୍ଧୁଙ୍କ ଜରିଆରେ ରାଜେଶ ଗେହେଲଟଙ୍କ ସମ୍ପର୍କରେ ଆସିଥିଲେ । ୨୦୧୮ରେ ସୂର୍ଯ୍ୟମଣି ସେମାନଙ୍କୁ ଏଗ୍ରିମେଣ୍ଟ ପାଇଁ ଡାକିଥିଲେ । ଏକ ଫାର୍ମ ପଞ୍ଜିକୃତ କରିବା ପାଇଁ ୨୦୧୮ରେ ୨୫ ଲକ୍ଷ ଟଙ୍କା ଟ୍ରେଜେରୀରେ ଜମା କରିବାକୁ କହିଥିଲେ । ଏହା ବଦଳରେ ସୂର୍ଯ୍ୟମଣି ଦୁଇଟି ଓ୍ବାର୍କ ଅର୍ଡର ହସ୍ତାନ୍ତର କରିଥିଲେ । ସେହିପରି ୨୧ ଅଗଷ୍ଟ ୨୦୧୮ରେ ୩୨ କୋଟି ୫୨ ଲକ୍ଷ ଓ ୪୭ କୋଟି ୫୨ ଲକ୍ଷ ଟଙ୍କାର ଓ୍ବାର୍କ ଅର୍ଡର ଦିଆଯାଇଥିଲା । ସୂର୍ଯ୍ୟମଣି ଏନେଇ ଇଆଇସି, ନିର୍ମାଣ ସୌଧ ଅଫିସର ଆକାଉଣ୍ଟ ଅଫିସରଙ୍କ ଦସ୍ତଖତ ଥିବା ଏକ ଜାଲ ଚିଠି ଦେଇଥିଲେ । ତେବେ କାମ ନହେବାରୁ ସନ୍ଦେହ କରିଥିଲେ ମୁକେଶ ଓ ତାଙ୍କ ପୁଅ । ପରେ ସବୁ କିଛି ଜାଲ ବୋଲି ଜାଣିବାକୁ ପାଇଥିଲେ । ଏନେଇ ଅଭିଯୋଗ ପରେ କ୍ରାଇମବ୍ରାଞ୍ଚ ଇଓଡବ୍ଲ୍ୟୁ ସୂର୍ଯ୍ୟମଣି ଓ ଅମିତକୁ ଗିରଫ କରିଛି । ଅନ୍ୟମାନଙ୍କୁ ଧରିବାକୁ ଚେଷ୍ଟା ଚଳାଇଛି ଇଓଡବ୍ଲ୍ୟୁ ।
