ଷ୍ଟିଲ୍ ସିଟିରେ ଚାଲିଥିଲା ଜାଲ୍ ନୋଟ୍ କାରବାର, ପର୍ଦ୍ଦାଫାସ କଲା ପୋଲିସ

ରାଉରକେଲା: ଜାଲ୍ ନୋଟ୍ ରାକେଟର ପର୍ଦ୍ଦାଫାସ । ସେକ୍ଟର-୧୫ ଥାନା ଅଞ୍ଚଳରେ ଚାଲିଥିଲା ଜାଲ୍ ନୋଟ୍ କାରବାର । ରାଉରକେଲା ପୋଲିସ ସହାୟତାରେ ୧୬ଲକ୍ଷ ୧୧ହଜାର ଟଙ୍କାର ଜାଲ୍ ନୋଟ ଜବତ କରିଛି STF । ଘଟଣାରେ ସଂପୃକ୍ତ ସେକ୍ ଅହମ୍ମଦ ନାମକ ବ୍ୟକ୍ତିଙ୍କୁ ଗିରଫ କରାଯାଇଛି ।

ଘଟଣାସ୍ଥଳରୁ ଗୋଟିଏ ଲାପଟପ ଓ ପ୍ରିଣ୍ଟର ମଧ୍ୟ ଜବତ କରାଯାଇଛି । ଏହି ଜାଲ୍ ନୋଟ୍ କାରବାରର ଚେର କେତେ ଦୂର ଲମ୍ବିଛି, ସେନେଇ ଛାନବିନ୍ କରୁଛି STF । ଗତ ଜୁଲାଇ ମାସରେ ୨୯ଲକ୍ଷ ୪୧ ହଜାର ଟଙ୍କାର ଜାଲ୍ ନୋଟ୍ ଜବତ ହୋଇଥିଲା । ଏଥିରେ ସଂପୃକ୍ତ ୪ଜଣଙ୍କୁ ଗିରଫ କରିଥିଲା STF ।