ରାତାରାତି ବଦଳିଲା ସମୀକରଣ: ଦ୍ୱିତୀୟ ଥର ପାଇଁ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କଲେ ଫଡନବିସ

ମୁମ୍ୱାଇ : ରାତାରାତି ବଦଳିଯାଇଛି ମହାରାଷ୍ଟ୍ରର ସମୀକରଣ । ରାଜନୀତିରେ ନୂଆ ମୋଡ଼ ଆସିଛି । ଦ୍ୱିତୀୟ ଥର ପାଇଁ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି ଦେବେନ୍ଦ୍ର ଫଡନବିସ । ଏନସିପିର ଅଜିତ ପୱାର ଉପ-ମୁଖ୍ୟମନ୍ତ୍ରୀ ଭାବେ ରାଜଭବନରେ ଶପଥ ଗ୍ରହଣ କରିଛନ୍ତି । ରାଜ୍ୟପାଳ ଉଭୟଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇଥିଲେ ।

ମହାରାଷ୍ଟ୍ର ରାଜ୍ୟପାଳ ଭଗତ ସିଂ କୋଶୟାରୀ ରାଜଭବନରେ ସମସ୍ତଙ୍କୁ ଶପଥ ପାଠ କରାଇଲେ। ଶେଷପର୍ଯ୍ୟନ୍ତ ଶିବସେନା-ଏନସିପି ଓ କଂଗ୍ରେସ ସରକାର ଗଠନ କରିବେ ବୋଲି ସବୁଠି ଚର୍ଚ୍ଚା ହେଉଥିଲା କିନ୍ତୁ ରାତି ଅଧରେ ବିଜେପି ସବୁ କିଛି ଓଲଟ ପାଲଟ୍ କରିଦେଇଥିବା ଚର୍ଚ୍ଚା ହେଉଛି । ଏବେ ମହାରାଷ୍ଟ୍ରରେ ବିଜେପି-ଏନସିପି ସରକାର ।