ସ୍ୱାଭାବିକ ହେଲା ସର୍ଭର, ୬ ଘଣ୍ଟା ପରେ କାମ କଲା ସୋସିଆଲ ମିଡି଼ଆ
ନନ୍ଦିଘୋଷ ବ୍ୟୁରୋ: ପ୍ରାୟ ୬ ଘଣ୍ଟା ପରେ ସ୍ୱାଭାବିକ ହେଲା ସର୍ଭର । ପୁଣି ସଚଳ ହେଲା ସୋସିଆଲ ମିଡିଆ । ସାମାଜିକ ଗଣମାଧ୍ୟମ ଉପରେ ନିର୍ଭରଶୀଳ ସମସ୍ତ କାର୍ଯ୍ୟ ପୁଣି ଥରେ କାର୍ଯ୍ୟ କରିବା ଆରମ୍ଭ କରିଥିଲା । ରାତି ୯ ଟା ପରେ ହଠାତ ସୋସିଆଲ ମିଡିଆ ସର୍ଭର ଡାଉନ ହୋଇଯାଇଥିଲା । ଫେସବୁକ୍, ହ୍ୱାଟସଆପ ଓ ଇନଷ୍ଟାଗ୍ରାମ ସର୍ଭର ଡାଉନ ହୋଇଯାଇଥିବାବେଳେ ୟୁଜର ମାନେ ମଧ୍ୟ କାର୍ଯ୍ୟରେ ବାଧାପ୍ରାପ୍ତ ହୋଇଥିଲେ ।
ସେପଟେ ଦୀର୍ଘ ୬ ଘଣ୍ଟା ଧରି ସୋସିଆଲ ମିଡିଆ କାର୍ଯ୍ୟ ବାଧାପ୍ରାପ୍ତ ହୋଇଥିବାବେଳେ ଫେସବୁକ୍, ହ୍ୱାଟସଆପ ଓ ଇନଷ୍ଟାଗ୍ରାମର ସର୍ଭର ପୁଣି ଥରେ ସ୍ୱାଭାବିକ ହୋଇଛି । ସାମାଜିକ ଗଣମାଧ୍ୟମରେ ସମସ୍ତ ବାର୍ତ୍ତା ଆଦାନ ପ୍ରଦାନ ଠପ୍ ହୋଇଯାଇଥିଲା । ଯାହା ଫଳରେ ବହୁ ସମସ୍ୟାର ସମ୍ମୁଖୀନ ହୋଇଥିଲେ ୟୁଜର୍ସ । ତେବେ ଏଭଳି ଅସୁବିଧା ପାଇଁ ଦୁଃଖ ପ୍ରକାଶ କରିଛନ୍ତି ଫେସବୁକ ସିଇଓ ମାର୍କ ଜୁକର ବର୍ଗ । କେବଳ ଭାରତ ନୁହେଁ ସାରା ବିଶ୍ୱରେ ଠପ ହୋଇଯାଇଥିଲା ସୋସିଆଲ ମିଡିଆ ସେବା । ସୋସିଆଲ ମିଡିଆ ସର୍ଭର ଡାଉନ୍ ହେବା ପରେ ଫେସବୁକର ସେୟାର ହ୍ରାସ ପାଇଥିଲା ।
ୟୁଜର୍ସଙ୍କ ସାରା ବିଶ୍ୱରେ ବାଧାପ୍ରାପ୍ତ ହୋଇଛି । ତେଣୁ ଫେସବୁକର ଏଭଳି ତ୍ରୁଟି ପାଇଁ ଦୁଃଖ ପ୍ରକାଶ କରିଛନ୍ତି ସିଇଓ ଫେସବୁକ । ନିର୍ଭରଶୀଳତା ବଜାୟ ରଖିଥିବା ଫେସବୁକ ଗତକାଲି ଟେକନିକାଲି କାର୍ଯ୍ୟରେ ବାଧା ଉପୁଜି ଥିଲା । ଏଥିପାଇଁ ସମସ୍ତ ୟୁଜରଙ୍କ ନିକଟରେ ମୁଁ କ୍ଷମାପ୍ରାର୍ଥୀ ବୋଲି କହିଥିଲେ ଜୁକର ବର୍ଗ । ସେପଟେ କାହିଁକି ଓ କେଉଁ କାରଣ ଯୋଗୁଁ ଏତେ ସମୟ ଧରି ସମସ୍ତ ସୋସିଆଲ ମିଡିଆ ସାଇଟ ଅକାମୀ ହୋଇଯାଇଥିଲା, ତାହାର ସଠିକ ସନ୍ଧାନ ଜଣାପଡିନାହିଁ ।
