ଆଉ ୧୦ହଜାର କର୍ମଚାରୀଙ୍କୁ ବିଦା କରିବ ମେଟା

ନନ୍ଦିଘୋଷ ବ୍ୟୁରୋ: ପୁଣି ମେଟାରେ ମେଗାଛଟେଇ । ଚଳିତ ବର୍ଷ ପ୍ରାୟ ୧୦ ହଜାର କର୍ମଚାରୀଙ୍କୁ ବିଦା କରିବ ମେଟା । ଗତବର୍ଷ ୧୧ ହଜାରରୁ ଅଧିକ କର୍ମଚାରୀ ଛଟେଇ ହୋଇଥିବାବେଳେ ଚଳିତ ବର୍ଷ ପୁଣି ବଡ଼ ଧରଣର ଛଟେଇ କରିବାକୁ ଘୋଷଣା କରିଛି କମ୍ପାନି । ମେଟା ସିଇଓ ମାର୍କ ଜୁକରବର୍ଗ କହିଛନ୍ତି- ଆସନ୍ତା ଏପ୍ରିଲରେ ଏହି ରିଷ୍ଟ୍ରକଚରିଂ ଓ ଲେଅଫ କରାଯିବ । ଏହି ଲେଅଫ ଫଳରେ ମେ ମାସ ସୁଦ୍ଧା ବିଭିନ୍ନ ବିଜନେସ ଗ୍ରୁପ ପ୍ରଭାବିତ ହେବେ । କେତେକ ଅନିବାର୍ଯ୍ୟ କାରଣରୁ କମ୍ପାନିରେ ଏହି ଲେଅଫ ହେଉଛି ଏବଂ ଟିମକୁ କ୍ଷୁଦ୍ରତର କରାଯାଉଛି । ଚଳିତ ବର୍ଷ ଶେଷ ଯାଏ ଏହି ଛଟେଇ ପ୍ରକ୍ରିୟା ଜାରି ରହିବ ଏବଂ ବିଭିନ୍ନ ସ୍ତର ଓ ରିଜିନରେ ଏହି ପ୍ରକ୍ରିୟା ଚାଲିବ ବୋଲି କହିଛନ୍ତି ଜୁକରବର୍ଗ ।