ନନ୍ଦିଘୋଷ ବ୍ୟୁରୋ: ଲୋକସଭାରେ ରାହୁଲ ଗାନ୍ଧି ଓ ମୋଦି ମୁହାଁମୁହିଁ। ଉଭୟଙ୍କ ମଧ୍ଯରେ ବାକ୍ ଯୁଦ୍ଧ। ରାଷ୍ଟ୍ରପତିଙ୍କ ଅଭିଭାଷଣର ଧନ୍ଯବାଦ ପ୍ରସ୍ତାବ ଉପରେ ଆଲୋଚନା ବେଳେ ରାହୁଲ ଗାନ୍ଧି କହିଥିଲେ ଯେ, ଲୋକଙ୍କୁ ଭୟଭୀତ କରିବା, ବିଦ୍ବେଷ ସୃଷ୍ଟି କରିବା ଓ ମିଥ୍ଯା କଥା ପ୍ରଚାର କରିବା ହିନ୍ଦୁ ଧର୍ମ ନୁହେଁ। ଏହାର କାଉଣ୍ଟରରେ ମୋଦି କହିଥିଲେ- ପୁରା ହିନ୍ଦୁ ସମାଜକୁ ହିଂସାକାରୀ କହିବା ଏକ ବହୁତ ଗୁରୁତର କଥା। ଏହାର ଜବାବରେ ରାହୁଲ ଗାନ୍ଧି କହିଥିଲେ, କେବଳ ବିଜେପି ଓ ଆରଏସଏସ ହିନ୍ଦୁ ନୁହନ୍ତି । କେବଳ ସେମାନେ ହିନ୍ଦୁଙ୍କ ପ୍ରତିନିଧିତ୍ବ କରନ୍ତି ନାହିଁ।ଏପରିକି ସେ ଗୃହରେ ଶିବଙ୍କ ଫଟୋ ଦେଖାଇବାକୁ ଚାହୁଁଥିଲେ। କିନ୍ତୁ ଗୃହରେ ପୋଷ୍ଟର ଦେଖାଇବାର ନିୟମ ନ ଥିବା କହି ଅନୁମତି ଦେଇ ନାହାନ୍ତି ବାଚସ୍ପତି। ସେପଟେ ରାହୁଲଙ୍କ ଏହି ମନ୍ତବ୍ଯ ପାଇଁ ସେ କ୍ଷମା ମାଗନ୍ତୁ ବୋଲି ଦାବି କରିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା। ଏପରିକି ପୁରା ବିଜେପି ତାଙ୍କ ପଛରେ ଲାଗି ପଡ଼ିଛି। ହିନ୍ଦୁଙ୍କୁ ରାହୁଲ ଅପମାନିତ କରିଛନ୍ତି କହି ବିଜେପି ତାଙ୍କୁ ବିରୋଧ କରିଛି।
