ନୀତି ଆୟୋଗ ରିପୋର୍ଟ: ଏକ୍ସପୋର୍ଟ ଇକୋସିଷ୍ଟମ ପିଲାରରେ ଓଡ଼ିଶା ଦେଶରେ ଦ୍ୱିତୀୟ

ଭୁବନେଶ୍ୱର: ନୀତି ଆୟୋଗ ପକ୍ଷରୁ ଏକ୍ସପୋର୍ଟ ପ୍ରିପାରେଡନେସ୍ ଇଣ୍ଡେକ୍ସ ୨୦୨୦ ପ୍ରକାଶ ପାଇଛି । ଦେଶର ଶ୍ରେଷ୍ଠ ୫ ରାଜ୍ୟ ମଧ୍ୟରେ ଓଡ଼ିଶା ସ୍ଥାନ ପାଇଛି । ଦେଶର ୮ଟି ଉପକୂଳ ରାଜ୍ୟ ମଧ୍ୟରୁ ଓଡ଼ିଶା ୫୮.୨୩ ପ୍ରତିଶତ ସହ ୪ ନମ୍ବରରେ ରହିଛି । ଓଭରଅଲ ରାଙ୍କିଂରେ ଦେଶରେ ଓଡ଼ିଶା ୫ ନମ୍ବର ସ୍ଥାନରେ ରହିଛି ।

ପଲିସି ପିଲାରରେ ଓଡ଼ିଶା ୭୧.୨୯ ପ୍ରତିଶତ ହାସଲ କରିଛି । ସେହିଭଳି ବିଜନେସ୍ ଇକୋସିଷ୍ଟମ ପିଲାରରେ ଓଡ଼ିଶାର ସ୍କୋର ହେଉଛି ୫୫.୮୧ ପ୍ରତିଶତ । ଏକ୍ସପୋର୍ଟ ଇକୋସିଷ୍ଟମ ପିଲାରରେ ମହାରାଷ୍ଟ୍ର ତଳକୁ ୬୫.୯୪ ପ୍ରତିଶତ ସହ ଦ୍ୱିତୀୟ ସ୍ଥାନରେ ରହିଛି ଓଡ଼ିଶା । ଏକ୍ସପୋର୍ଟ ପର୍ଫମାନ୍ସ ପିଲାରରେ ଓଡ଼ିଶା ୪୨.୨୯ ପ୍ରତିଶତ ସ୍କୋର କରିଛି ।

ଉପକୂଳ ରାଜ୍ୟଗୁଡ଼ିକ ମଧ୍ୟରେ ଓଡ଼ିଶାର ପ୍ରଦର୍ଶନ ଭଲ ଥିବା ରିପୋର୍ଟରେ ଉଲ୍ଲେଖ କରାଯାଇଛି । ଓଡ଼ିଶାରେ ବ୍ୟବସାୟ ପ୍ରତିଷ୍ଠା ଓ ପରିଚାଳନା ଅନ୍ୟ ରାଜ ଅପେକ୍ଷା ଶସ୍ତା ଅଟେ । ଇଜ୍ ଅଫ୍ ଡୁଇଂ ବିଜିନେସରେ ଓଡ଼ିଶାର ସ୍କୋର ୯୨.୦୮ ପ୍ରତିଶତ ରହିଛି । ଏକ୍ସପୋର୍ଟ ଇକୋସିଷ୍ଟମରେ ମହାରାଷ୍ଟ୍ର, ଓଡ଼ିଶା ଭଳି ଉପକୂଳ ରାଜ୍ୟଙ୍କ ସହ ଟପ୍ ୩ରେ ଅଛି ରାଜସ୍ଥାନ ଭଳି ରାଜ୍ୟ ।

Focus on basics & continued drive to excel have led to #Odisha earning a rank among top 5 states in @NITIAayog's export preparedness & competitiveness report. Odisha has excelled in many parameters like export promotions policy, infra & trade support. #OdishaLeads pic.twitter.com/Dyw3sQIpl2

— CMO Odisha (@CMO_Odisha) August 26, 2020

ବ୍ୟବସାୟ ସହାୟତାରେ ଓଡ଼ିଶା ଭଲ ପ୍ରଦର୍ଶନ କରୁଥିବା ରିପୋର୍ଟରେ କୁହାଯାଇଛି । ବ୍ୟବସାୟୀଙ୍କ ରପ୍ତାନୀ ଅଭ୍ୟାସ ବୃଦ୍ଧି ପାଇଁ ଓଡ଼ିଶା ୨୪ଟି କର୍ମଶାଳା ଆୟୋଜନ କରିଛି । ଗବେଷଣା ଓ ଭିତ୍ତିଭୂମି ଉନ୍ନତିକରଣ କରୁଥିବା ଶ୍ରେଷ୍ଠ ୫ଟି ରାଜ୍ୟ ମଧ୍ୟରେ ଓଡ଼ିଶା ରହିଛି ।