ବିସ୍ଫୋରକ ସାମଗ୍ରୀ ଫୁଟି ୩ ଛାତ୍ର ଗୁରୁତର

କନ୍ଧମାଳ: କନ୍ଧମାଳ ଜିଲ୍ଲା ବାଲିଗୁଡା ବ୍ଲକ୍ ରୁତୁଙ୍ଗିଆ ପଞ୍ଚାୟତର ସେଣ୍ଟ ଜାଭିଅର୍ ହାଇସ୍କୁଲରେ ଅଘଟଣ । ବିସ୍ଫୋରଣରେ ୩ ହଷ୍ଟେଲ ଛାତ୍ର ଗୁରୁତର ହୋଇଛନ୍ତି । ଛାତ୍ରଜଣଙ୍କ ନିଜ ପକେଟରେ କିଛି ବିସ୍ଫୋରକ ଜିନିଷ ରଖିଥିବା ବେଳେ ହଠାତ ତାହା ଫାଟିଥିଲା । ଯେଉଁଥିରେ ଦୁଇଜଣ ଗୁରୁତର ହୋଇଥିବା ବେଳେ ଜଣେ ଆହାତ ହୋଇଛନ୍ତି । ପ୍ରଥମେ ଛାତ୍ର ମାନଙ୍କୁ ବାଲିଗୁଡା ଉପଖଣ୍ଡ ଚିକିତ୍ସାଳୟକୁ ଆଣି ପ୍ରାଥମିକ ଚିକିତ୍ସା ପରେ ଫୁଲବାଣୀ ଜିଲ୍ଲା ଡାକ୍ତରଖାନାକୁ ପଠାଯାଇଛି । ଛାତ୍ରମାନେ ସ୍କୁଲ ପରିସରକୁ କେମିତି ବିସ୍ଫୋରକ ସାମଗ୍ରୀ ଆଣିଲେ ତାହା ବଡ଼ ପ୍ରଶ୍ନ ସୃଷ୍ଟି ହୋଇଛି ।