ମୃତ୍ୟୁ ପରେ ଶରୀର ଛାଡି ଆତ୍ମା ଯାଏ କୁଆଡେ, ଜାଣନ୍ତୁ…

ମୃତ୍ୟୁ ପରେ ଶରୀର ନିର୍ଜୀବ ପାଲଟିଯାଏ, ଏକଥା ସମସ୍ତଙ୍କୁ ଜଣା । ମାତ୍ର ଆତ୍ମା ସହ କ’ଣ ହୁଏ ଓ ଆତ୍ମା ମୃତ୍ୟୁ ପରେ ନିଜ ଅସ୍ଥିତ୍ୱ ବଜାୟ ରଖିପାରେ କି ନାହିଁ ସେ ନେଇ ଦ୍ୱନ୍ଦ ଏବେ ମଧ୍ୟ ଲାଗି ରହିଛି । ଏକବିଂଶ ଶତାଦ୍ଧୀର ବିଜ୍ଞାନ ମଧ୍ୟ ବିନା ଦ୍ୱନ୍ଦରେ ଏ ପ୍ରଶ୍ନ ଉତ୍ତର ଦେବାରେ ଅସମର୍ଥ । ବିଜ୍ଞାନର ତର୍କ କେବଳ ଏତିକି ଯେ, ବ୍ରହ୍ମାଣ୍ଡରେ ଥିବା ସମସ୍ତ ଜୀବ ଓ ନିର୍ଜୀବ ସମୟକ୍ରମେ କ୍ଷୟଶୀଳ  ଓ ଶେଷରେ ନିଜ ଅସ୍ଥିତ୍ୱ ହରାନ୍ତି । ଏଣୁ ମନୁଷ୍ୟର ମୃତ୍ୟୁ ମଧ୍ୟ ଏହିଭଳି ହୋଇଥାଏ । ତେବେ ଏହା ଯେ ସ୍ପଷ୍ଟ ଉତ୍ତର ନୁହେଁ ଏକଥା ସମସ୍ତ ଅନୁଭବ କରୁଥିବେ, ନିଶ୍ଚିତ । ଯେକୌଣସି ଧର୍ମ ଗ୍ରନ୍ଥର ପୃଷ୍ଠା ଓଲଟାଇଲେ ଜଣାପଡେ ଯେ ଆତ୍ମା ଅମର  । ତେବେ ଯଦି ଅମର ! ଶରୀର ଛାଡିବା ପରେ ଆତ୍ମା ଯାଏ କୁଆଡେ ? ଏ ପ୍ରଶ୍ନର ଉତ୍ତର ଅନେତ ବିଦ୍ୱାନ ଓ ଧର୍ମଗ୍ରନ୍ଥରେ ମିଳେ ।

ଗାୟତ୍ରୀ ପରିବାରର ପ୍ରତିଷ୍ଠାତା ପଣ୍ଡିତ ଶ୍ରୀରାମ ଶର୍ମା ନିଜ ପୁସ୍ତକରେ ଲେଖିଛନ୍ତି ଯେ, ଶରୀର ଛାଡିବା ପରେ ଆତ୍ମା କିଛି ସମୟ ବିଶ୍ରମ ସ୍ଥିତିରେ ରହିଥାଏ । ଏହାପରେ ନୂଆ ଶରୀରରେ ପ୍ରବେଶ କରିଥାଏ । ପରଲୋକ ବିଜ୍ଞାନରେ ମଧ୍ୟ ଆତ୍ମାର ଅବସ୍ଥିତି ନେଇ ସମାନ ତଥ୍ୟ ଦିଆଯାଇଛି । ପ୍ରାଚୀନ ବେବିଲୋନ୍ ଓ ମିଶ୍ର ସଭ୍ୟତାରେ ମଧ୍ୟ ଆତ୍ମାର ଅସ୍ଥିତ୍ୱକୁ ଗ୍ରହଣ କରାଯାଇଛି ଯେ ମୃତ୍ୟୁ ପରେ ସେମାନେ ବ୍ୟକ୍ତିର ଶରୀର ଉପରେ ସ୍ୱତନ୍ତ୍ର ଲେପ ଲଗାଯାଇ କବରରେ ରଖାଯାଇଥାଏ । ବିଶ୍ୱାସ ଥିଲା ଯେ କିଛି ସମୟ ପରେ ଆତ୍ମା ପୁଣି କିଛି ସମୟ ପରେ ଆତ୍ମା ପୁଣି ଥରେ ଶରୀରକୁ ଫେରି ଆସିଥାଏ ।

ସେହିଭଳି ପରମହଂସ ଯୋଗାନନ୍ଦଙ୍କ ଆତ୍ମକଥା ଯୋଗୀ ଆତ୍ମକଥାରେ ମଧ୍ୟ ଆତ୍ମା ସମ୍ପର୍କରେ ଅନେକ ଗୁରୁତ୍ୱପୂର୍ଣ୍ଣ କଥା କୁହାଯାଇଛି । କୁହାଯାଇଛି ଯେ, ମୃତ୍ୟୁ ପରେ ଆତ୍ମା ସୂକ୍ଷ୍ମଲୋକକୁ ଯାଇଥାଏ । ସେଠାରେ ଆଧ୍ୟାତ୍ମିକ ଦୃଷ୍ଟି କୋଣରୁ ଉନ୍ନତ ବ୍ୟକ୍ତିଙ୍କ ଆତ୍ମାକୁ ହରିଣ୍ୟଲୋକ ପଠାଯାଇଥାଏ । ସେଠାକୁ ଯାଉଥିବେ ଆତ୍ମାକୁ ପୁର୍ନଜନ୍ମରୁ ମୁକ୍ତି ମିଳି ଯାଇଥାଏ । ପରମହଂସଙ୍କର ଏହି ପୁସ୍ତକରେ ପୁର୍ନଜନ୍ମରୁ କିଭଳି ମୁକ୍ତି ମିଳେ ସେ ସମ୍ପର୍କରେ ବିସ୍ତୃତ ଭାବେ  ଉଲ୍ଲେଖ ରହିଛି । ପୁସ୍ତକଟି ଏଯାବତ୍ ୨୦ଟି ଭାଷାରେ ଅନୁବାଦ ହୋଇ ସାରିଛି । ଅନେକ ସମୟରେ ଏଭଳି ଉଦାହରଣ ମଧ୍ୟ ସାମ୍ନାକୁ ମଧ୍ୟ ଆସିଛି ଯେ ବ୍ୟକ୍ତି ପମୃତ୍ୟୁ ଘୋଷିତ ହେବା ପରେ ପୁଣି ଥରେ ଜୀବିତ ହୋଇଛନ୍ତି । ଏହା ଆତ୍ମାର ପୁନଃସ୍ଥାପନାକୁ ପ୍ରମାଣ କରେ ।  ଉଭୟ ଋକ୍ ବେଦ ଓ ଗୀତା  ମଧ୍ୟ ଆତ୍ମାକୁ ଅଜୟ ଓ ଅମର ବୋଲି ବର୍ଣ୍ଣନା କରାଯାଇଛି ।

Leave a Reply