କଟକରେ ଡ୍ରଗ୍ସ ଓ ଅବକାରୀ ବିଭାଗର ମିଳିତ ଚଢ଼ାଉ, ବିପୁଳ କଫ ସିରପ ଜବତ, ୨ ଗିରଫ

କଟକ : ବେଆଇନ ମେଡ଼ିସିନ ଗଚ୍ଛିତ ରଖିବା ଓ ବିକ୍ରି କରିବା ଅଭିଯୋଗରେ ଡ୍ରଗ୍ସ ଓ ଅବକାରୀ ବିଭାଗର ମିଳିତ ଚଢ଼ାଉ। ବିପୁଳ ପରିମାଣର କଫ ସିରପ ଜବତ। ଦୁଇଜଣଙ୍କୁ ବାନ୍ଧିଲା ଅବକାରୀ ପୋଲିସ। ବୁଧବାର କଟକ ସଦରଅଞ୍ଚଳ ଶଙ୍ଖତ୍ରାଶ ସୁମାଣ୍ଡିରେ ଲାଇସେନ୍ସପ୍ରାପ୍ତ କୃଷ୍ଣା ମେଡ଼ିସିନ ଷ୍ଟୋର ଉପରେ ଚଢ଼ାଉ କରି ୯୨ବୋତଲ କୋଡେନ ଯୁକ୍ତ ସିରପ ଜବତ ହୋଇଛି। ପ୍ରଫୁଲ୍ଲ କୁମାର ଜେନା ନାମକ ବ୍ୟକ୍ତିଙ୍କ ଘରେ ଚଢ଼ାଉ କରି ୬୭୬ ବୋତଲ କଫ ସିରପ ଓ ଗଚ୍ଛିତ ମେଡ଼ିସିନ ଜବତ କରାଯାଇଛି। ଅବକାରୀ ବିଭାଗ ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ଏହାସହ ତଦନ୍ତ ଜାରି ରହିଥିବା ଡ୍ରଗ ଆସିଷ୍ଟାଣ୍ଟ କଣ୍ଟ୍ରୋଲର ଓ ଜିଲ୍ଲା ଅବକାରୀ ଅଧିକ୍ଷକ ସୂଚନା ଦେଇଛନ୍ତି।