ରାଜଧାନୀରୁ ବିପୁଳ ଗଞ୍ଜେଇ ଜବତ, ବୋଲେରୋ ନମ୍ବର ପ୍ଲେଟ ବଦଳାଇ ହେଉଥିଲା ଚାଲାଣ

ଭୁବନେଶ୍ୱର: ଅବକାରୀ ବିଭାଗକୁ ବଡ଼ ସଫଳତ । ଭୁବନେଶ୍ୱରର ଭରତପୁର ଅଞ୍ଚଳରୁ ଅବକାରୀ ବିଭାଗ ବିପୁଳ ପରିମାଣର ଗଞ୍ଜେଇ ଜବତ କରିଛି । ଜଣକୁ ଗିରଫ କରାଯାଇଥିବା ବେଳେ ଅନ୍ୟ ୨ ଜଣ ଫେରାର ହୋଇଯାଇଛନ୍ତି । ବୋଲେରେ ଗଞ୍ଜେଇ ଭର୍ତ୍ତି ହୋଇଥିଲା । ଗାଡ଼ିରେ ଗଞ୍ଜେଇ ଚାଲାଣ ନେଇ କେହି ଯେମିତି ଜାଣି ନପାରିବେ ସେନେଇ ଅଭିଯୁକ୍ତ ପୂରା ପ୍ଲାନ୍ କରିଥିଲେ ।

ଗାଡ଼ି ସିଟ୍ ତଳେ ଛୋଟ ଛୋଟ ଗଞ୍ଜେଇ ପ୍ୟାକେଟ୍ କରି ରଖାଯାଇଥିଲା । ଅବକାରୀ ବିଭାଗ ବୋଲେରୋଟିକୁ ଜବତ କରିବା ସହ ଗାଡ଼ିରୁ ୯୧ଟି ଗଞ୍ଜେଇ ପ୍ୟାକେଟ୍ ଜବତ କରିଛି । ଯେଉଁଥିରେ ୨ କିଲୋର ୧୪ଟି ପ୍ୟାକେଟ୍, ୧ କେଜିର ୫୩ଟି ପ୍ୟାକେଟ୍, ୫୦୦ ଗ୍ରାମର ୨୪ଟି ପ୍ୟାକେଟ୍ ରହିଛି ।

ମୋଟ ୯୩ କେଜି ଗଞ୍ଜେଇ ଜବତ କରାଯାଇଛି । ଜବତ ଗଞ୍ଜେଇର ଆନୁମାନିକ ମୂଲ୍ୟ ପ୍ରାୟ ସାଢ଼େ ୪ ଲକ୍ଷ ଟଙ୍କାରୁ ଅଧିକ ହେବ ବୋଲି ଅଭକାରୀ ବିଭାଗ ସୂଚନା ଦେଇଛି । ଏହି ଗଞ୍ଜେଇ କନ୍ଧମାଳ ଜିଲ୍ଲାରୁ ଚୋରାଚାଲାଣ ହେଉଥିବା ନେଇ ଅବକାରୀ ବିଭାଗ ସୂଚନା ଦେଇଛି ।