ରାଜ୍ୟ ସରକାରଙ୍କ ଉପରେ ବର୍ଷିଲେ ପୂର୍ବତନ କେନ୍ଦ୍ରମନ୍ତ୍ରୀ ଶ୍ରୀକାନ୍ତ ଜେନା

ନନ୍ଦିଘୋଷ ବ୍ୟୁରୋ : ରାଜ୍ୟ ସରକାରଙ୍କ ଉପରେ ବର୍ଷିଲେ ପୂର୍ବତନ କେନ୍ଦ୍ରମନ୍ତ୍ରୀ ଶ୍ରୀକାନ୍ତ ଜେନା । ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଚିଠି ଲେଖି କ୍ଷୋଭ ପ୍ରକାଶ କରିଛନ୍ତି ଶ୍ରୀକାନ୍ତ। ଓଡ଼ିଶାରେ ଦାରିଦ୍ର୍ୟ ବଢୁଛି। ଦୁଇ ଲକ୍ଷ ୯୦ ହଜାର କୋଟିର ବଜେଟ୍ ବିଧାନସଭାରେ ଉପସ୍ଥାପନ କରି ମୋହନ ସରକାର ବାହାବା ନେଉଛି। ଓଡ଼ିଶା ସରକାର ଚଳିତ ବର୍ଷ ୩ ଲକ୍ଷ ୯୦ ହଜାର କୋଟି ବା ୪ଲକ୍ଷ କୋଟିର ବଜେଟ୍ ଆଣି ପାରିଥାଆନ୍ତେ । ଜୁଲାଇ ୨୪ରୁ ଖଣି ସେସ୍ ଓ ରୟାଲିଟି ସମ୍ପର୍କରେ ସୁପ୍ରିମକୋର୍ଟ ଦେଇଥିବା ରାୟକୁ କାର୍ଯ୍ୟକାରୀ କରାଯାଇଥିଲେ ସରକାରଙ୍କ ବଜେଟ୍ ୪ଲକ୍ଷ କୋଟିର ର ବଜେଟ୍ ହୋଇପାରିଥାନ୍ତା । କିନ୍ତୁ ଓଡ଼ିଶା ସରକାର ଖଣି ବ୍ୟବସାୟୀମାନଙ୍କ ଠାରୁ ସେସ୍ ଓ ରୟାଲିଟି ନେଉ ନାହାଁନ୍ତି।

ଓଡ଼ିଶାରେ ଖଣି ସିଣ୍ଡିକେଟ ଚାଲିଛି। ଦୀର୍ଘ ବର୍ଷ ଧରି ପଶ୍ଚିମ ବଙ୍ଗର କୋଇଲା ଖଣିରୁ ସେସ୍ ଓ ରୟାଲିଟି ବହୁତ ଅଧିକ ଆଦାୟ କରୁଛି । ଓଡ଼ିଶାର ଖଣିରୁ ବାହାରୁ ଥିବା କଞ୍ଚାମାଲକୁ ବଜାରରେ ନ ବିକ୍ରି କରି ଶାଗମାଛ ଦରରେ ଖଣିଜ ପଦାର୍ଥକୁ ବିକ୍ରି କରୁଛନ୍ତି। ତେଣୁ ଓଡ଼ିଶା ୨ ହଜାର କୋଟି ଟଙ୍କା ବର୍ଷକୁ ସରକାର କ୍ଷତି ସହୁଛି । ଖଣି ବ୍ୟବସାୟୀମାନଙ୍କର ବକେୟା ଟଙ୍କା ପ୍ରାୟ ଏକ ଲକ୍ଷ କୋଟିରୁ ଅଧିକ ଟଙ୍କା ସରକାରଙ୍କୁ ସେମାନେ ଦେଉନାହାଁନ୍ତି। ଏସମ୍ପର୍କରେ ବିଧାନସଭାରେ ସରକାର ଆଲୋଚନା କରନ୍ତୁ। ଦାଦନରେ ଓଡ଼ିଶା ଆଜି ଏକ ନମ୍ବର। ଓଡ଼ିଶାର ଖଣି ସିଣ୍ଡିକେଟ ଚାଲିଛି । ମାଗଣା ୩୦୦ ୟୁନିଟ ବିଜୁଳି, ୩ ହଜାର ଟଙ୍କା ବେକାରୀ ଭତ୍ତା ଆଦି ଦିଆଯାଇପାରିବ। ହେଲେ ସରକାର ନୀରବ ରହିଛନ୍ତି ବୋଲି କହିଛନ୍ତି ଶ୍ରୀକାନ୍ତ।