ବ୍ରିଟେନର ପୂର୍ବତନ ଗୁଇନ୍ଦା ଏଜେଣ୍ଟ ଦେଲେ ଚାଞ୍ଚଲ୍ୟକର ତଥ୍ୟ; କହିଲେ, ପୁଟିନଙ୍କୁ ହୋଇଛି ବ୍ଲଡ କ୍ୟାନସର

ମସ୍କୋ: ଋଷ୍‌ ରାଷ୍ଟ୍ରପତି ଭ୍ଲାଦିମିର ପୁଟିନ୍‌ ଗୁରୁତର ଭାବେ ଅସୁସ୍ଥ ହୋଇପଡ଼ିଛନ୍ତି । ତାଙ୍କୁ ବ୍ଲଡ କ୍ୟାନସର ହୋଇଥିବା ଚର୍ଚ୍ଚା ହେଉଛି । ୟୁକ୍ରେନ ଉପରେ ଆକ୍ରମଣ କରି ସାରା ବିଶ୍ବକୁ ଦୋହଲାଇ ଦେଇଥିବା ରୁଷ୍ ରାଷ୍ଟ୍ରପତି ପୁଟିନ ନିଜେ ଏବେ ଅଡ଼ୁଆରେ । ଖୁବଶୀଘ୍ର ସେ ଏନେଇ ଚିକିତ୍ସା ଆରମ୍ଭ କରିବେ । ସେ ଭୟଙ୍କର ଭାବେ ବ୍ଲଡ କ୍ୟାନସରରେ ଆକ୍ରାନ୍ତ ହୋଇଛନ୍ତି । ସ୍କାଏ ନ୍ୟୁଜକୁ ସାକ୍ଷାତକାର ଦେବା ଅବସରରେ ଏମିତି ଦାବି କରିଛନ୍ତି, ବ୍ରିଟେନର ପୂର୍ବତନ ଗୁଇନ୍ଦା ଏଜେଣ୍ଟ । ଋଷ ରାଷ୍ଟ୍ରପତି ପୁଟିନଙ୍କ ଅତି ନିକଟତମ ମହଲରୁ ସୂଚନା ମିଳିଥିବା ସେ ଦାବି କରିଛନ୍ତି ।

ତେବେ ତାଙ୍କର ଚିକିତ୍ସା ସମ୍ଭବ କି ନୁହେଁ ସେ ନେଇ କୌଣସି ସୂଚନା ନାହିଁ ।  ୟୁକ୍ରେନ ଉପରେ ରୁଷ୍ ଆକ୍ରମଣ କରିବା ପରେ ପୁଟିନ ଅସୁସ୍ଥ ଥିବା ବାରମ୍ବାର ଖବର ଆସୁଛି । ଏପରିକି ଗତ ସପ୍ତାହରେ ରୁଷ୍ ଯେତେବେଳେ ବିଜୟ ଦିବସ ପାଳନ କରୁଥିଲା, ସେତେବେଳେ ବି ପୁଟିନ ଅସୁସ୍ଥ ଥିଲେ । ବିଜୟ ଦିବସରେ ଆସିଥିବା ପୁଟିନଙ୍କ ଭିଡିଓରୁ ସେ ଅସୁସ୍ଥ ଥିବା ଅନ୍ତଜାର୍ତୀୟ ଗଣମାଧ୍ୟମରେ ଦାବି କରାଯାଉଛି ।