ଏୟାର୍‌ପୋର୍ଟରେ ଲଗାଯାଉଥିବା କ୍ୱାରେଣ୍ଟାଇନ୍‌ ଷ୍ଟାମ୍ପ୍‌ର ରିଆକ୍ସନ୍‌, ପୂର୍ବତନ ସାଂସଦଙ୍କ ଖରାପ ହେଲା ସ୍କିନ୍‌

ନୂଆଦିଲ୍ଲୀ: ଲକ୍‌ଡାଉନ୍‌ ନିୟମରେ ଅନେକାଂଶରେ କୋହଳ ହେବା ପରେ, ଏବେ ବିମାନ ଚଳାଚଳ ସେବା କିଛି ମାତ୍ରାରେ ସ୍ୱାଭାବିକ୍‌ ହେବାରେ ଲାଗିଛି । ତେବେ ଯେଉଁମାନେ ବିଦେଶରୁ ଆସୁଛନ୍ତି ସେମାନଙ୍କ ଚିହ୍ନଟ ପାଇଁ ତାଙ୍କ ହାତରେ ଏକ ଷ୍ଟାମ୍ପ ଲାଗଯାଉଛି । ଯାହା ଦ୍ୱାରା ସେମାନେ ବାହାରେ ନବୁଲି କ୍ୱାରେଣ୍ଟାଇନ୍‌ରେ ରହିବେ । ଯଦି ବାହାରେ ବୁଲିଲେ ତେବେ ସେହି ଷ୍ଟାମ୍ପ ଦେଖି ଲୋକ ଜାଣିପାରିବେ ଯେ, ସେ ବିଦେଶରୁ ଆସିଛନ୍ତ ତାଙ୍କୁ କ୍ୱାରେଣ୍ଟାନ୍‌ରେ ରହିବାକୁ ନିର୍ଦ୍ଦେଶ ରହିଛି ।

Thank you for drawing my attention to this. A have spoken to CMD AAI.

— Hardeep Singh Puri (मोदी का परिवार) (@HardeepSPuri) October 4, 2020

ଏବେ ସେହି ଷ୍ଟାମ୍ପକୁ ନେଇ ଆରମ୍ଭ ହୋଇଛି ବିବାଦ । ଷ୍ଟାମ୍ପରେ ବ୍ୟବହାର ହେଉଥିବା କେମିକାଲ କିଛି ଲୋକଙ୍କ ପାଇଁ କ୍ଷତିକାରକ ବୋଲି ଅଭିଯୋଗ ହୋଇଛି । ଏନେଇ ବେସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ ସିଂହ ପୁରୀଙ୍କ ଦୃଷ୍ଟି ଆକର୍ଷଣ କରାଯାଇଛି । ସେ କହିଛନ୍ତି ଏଭଳି ଘଟଣା ମୋ ନଜରକୁ ଆଣିଥିବାରୁ ଧନ୍ୟବାଦ ।

ସୂଚନାଯୋଗ୍ୟ, କଂଗ୍ରେସର ରାଷ୍ଟ୍ରୀୟ ମହାସଚିବ ତଥା ପୂର୍ବତନ ସାଂସଦ ମଧୁ ଗୌଡ଼ ୟାକ୍ଷି ରବିବାର ଟ୍ୱିଟ୍‌ର ହାଣ୍ଡେଲରେ ନିଜ ହାତ ଫଟୋ ପୋଷ୍ଟ କରି ମନ୍ତ୍ରୀ ହରଦୀପ ସିଂହ ପୁରୀଙ୍କୁ ଟ୍ୟାଗ୍‌ କରିଥିଲେ । ଏହି ପୋଷ୍ଟରେ ସେ ଲେଖିଛନ୍ତି ଯେ, ବିଦେଶରୁ ଆସିବା ବେଳେ ନୂଆଦିଲ୍ଲୀ ଏୟାରପୋର୍ଟରେ ତାଙ୍କ ହାତରେ କ୍ୱାରେଣ୍ଟାଇନ୍‌ ଷ୍ଟାମ୍ପ ଲଗାଯାଇଥିଲା । ଆଉ ସେ ଷ୍ଟାମ୍ପରେ ବ୍ୟବହାର ହୋଇଥିବା କେମିକାଲ ଯୋଗୁଁ ତାଙ୍କ ହାତର ସ୍କିନ୍‌ ଖରାପ ହୋଇଛି । ତେଣୁ ଏହି କେମିକାଲ ଓ ଷ୍ଟାମ୍ପ ପ୍ରତି ଧ୍ୟାନ ଦେବା ପାଇଁ ମନ୍ତ୍ରୀଙ୍କୁ ପରାମର୍ଶ ଦେଇଛନ୍ତି ମଧୁ ଗୌଡ଼ ।

Thank you for your prompt action. Hope no other passenger go through it.

— Madhu Goud Yaskhi (@MYaskhi) October 4, 2020

ଆଉ ଏହି ପୋଷ୍ଟ ଦେଖିବା ପରେ ମନ୍ତ୍ରୀ ହରଦୀପ ସିଂହ ପୁରୀ ମଧ୍ୟ ଘଟଣା ପ୍ରତି ଧ୍ୟାନ ଦେବେ ବୋଲି କହିଛନ୍ତି । ଅନ୍ୟପଟେ ଏହି ଘଟଣା ପ୍ରତି ତାଙ୍କର ଦୃଷ୍ଟି ଆକର୍ଷଣ କରିଥିବାରୁ ସେ ଧନ୍ୟବାଦ ଦେଇଛନ୍ତି ।