ଗଛ ଲଗାଇ ଜନ୍ମଦିନର ଅଭିନନ୍ଦନ ଜଣାଇବାକୁ ଅନୁରୋଧ

1 min read
Ex MLA Dillip Srichandan Urged People To Plant A Tree On His Birthday

ଭୁବନେଶ୍ୱର: ମେ ୧ରେ ପ୍ରେରଣା ଇଣ୍ଟରନ୍ୟାସନାଲ ଗ୍ରୀନ୍ ଆର୍ମିର କମାଣ୍ଡାଣ୍ଟ ଇନ୍ ଚିଫ୍, ପରିବେଶବିତ୍ ତଥା ପୂର୍ବତନ ବିଧାୟକ ଡକ୍ଟର ଦିଲ୍ଲୀପ ଶ୍ରୀଚନ୍ଦନଙ୍କ ଜନ୍ମଦିନ । ତାଙ୍କ ଜନ୍ମଦିନରେ ପ୍ରତ୍ୟେକ ଶୁଭେଚ୍ଛୁ, ପ୍ରେରଣା ଗ୍ରୀନ୍ ଆର୍ମିର ସଦସ୍ୟ, ବୃକ୍ଷପ୍ରେମୀମାନେ ତାଙ୍କୁ କୌଣସି ଉପହାର, ଫୁଲତୋଡ଼ା ନଦେଇ ନିଜ ନିଜ ଅଞ୍ଚଳରେ ହଛଟିଏ ଲଗାଇଲେ କିମ୍ବା ଗଛଟିଏ ଦାନ କଲେ କିମ୍ବା ପ୍ରଚଣ୍ଡ ଖରାରେ ଅସ୍ତବ୍ୟସ୍ତ ହେଉଥିବା ପଶୁପକ୍ଷୀଙ୍କ ପାଇଁ ନିଜ ଦୁଆରେ କିମ୍ବା ଗଛମୂଳରେ ପାଣିପାତ୍ରଟିଏ ରଖିଲେ ଜନ୍ମଦିନରେ ଶ୍ରେଷ୍ଠ ଉପହାର ହେବ ବୋଲି କହିଛନ୍ତି ଶ୍ରୀଚନ୍ଦନ ।

ଏବେ ଉତ୍ତାପ ବୃଦ୍ଧି, ଜଳବାୟୁ ପରିବର୍ତ୍ତନ, ପରିବେଶ ପ୍ରଦୂଷଣ ଆଦି ସମସ୍ୟା ପୃଥିବୀ ପୃଷ୍ଠରେ ପ୍ରାକୃତିକ ବିପର୍ଯ୍ୟୟ, ସାମୁଦ୍ରିକ ଝଡ଼ ଆଦି ସୃଷ୍ଟି କରି ଜୀବଜଗତ ପ୍ରତି ବିରାଟ ବିପଦ ଭାବେ ଉଭା ହୋଇଛି । ତେଣୁ ପୃଥିବୀ ମା’କୁ ସୁରକ୍ଷିତ ରଖିବା ପାଇଁ ଜନ୍ମଦିନରେ ଗୋଟିଏ ଗୋଟିଏ ଗଛ ଲଗାଇବା ଶ୍ରେଷ୍ଠ ଉପହାର ଓ ଅଭିନନ୍ଦନ ହେବ ବୋଲି ନିବେଦନ କରିଛନ୍ତି ଦିଲ୍ଲୀପ ଶ୍ରୀଚନ୍ଦନ ।

[DISPLAY_ULTIMATE_SOCIAL_ICONS]