ଲସ୍କର-ଏ-ତଏବାର ପୂର୍ବତନ କମାଣ୍ଡରକୁ ପାକିସ୍ତାନରେ ଗୁଳିକରି ହତ୍ୟା

ନୂଆଦିଲ୍ଲୀ : ଭାରତ ବିରୋଧରେ ମନ୍ତବ୍ୟ ଦେଇ ଚର୍ଚ୍ଚାରେ ଥିବା ଲକସର-ଏ-ତଏବାର ଜଣେ ପୂର୍ବତନ କମାଣ୍ଡରକୁ ପାକିସ୍ତାନରେ ଗୁଳିକରି ହତ୍ୟା । ପାକିସ୍ତାନର ବାଜାଉର ଜିଲ୍ଲାରେ ଆକ୍ରାମ ଖାନକୁ ଗୁଳି କରି ହତ୍ୟା କରିଛନ୍ତି କେତେକ ଅଜଣା ଦୁର୍ବୃତ୍ତ । ଖାଇବର ପାଖତୁନଖଓ୍ବାରେ ଥିବାବେଳେ ଆକ୍ରାମ ଖାନ ଓରଫ ଆକ୍ରାମ ଗାଜିକୁ ଗୁଳି କରି ହତ୍ୟା କରାଯାଇଛି ।

୨୦୧୮ରୁ ୨୦୨୦ରୁ ଯାଏଁ ଲସକର ସଂଗଠନର ରିକ୍ରୁଟମେଣ୍ଟ ସେଲରେ କାମ କରୁଥିଲା ଆକ୍ରାମ । ସେ ସର୍ବଦା ଭାରତ ବିରୋଧରେ ଭାଷଣ ଦେଇ ଚର୍ଚ୍ଚାରେ ଥିଲେ । ବିଭିନ୍ନ ଆତଙ୍କୀ କାର୍ଯ୍ୟକଳାପ ସହ ସେ ଥିଲା ଜଡିତ । ଗତ ଅକ୍ଟୋବରରେ ପଠାନକୋଟ ଆକ୍ରମଣ ମାମଲାରେ ସାମିଲ ଥିବା ସାହିଦ ଲତିଫକୁ ବି ଗୁଳି କରି ହତ୍ୟା କରାଯାଇଥିଲା । ସେ ଭାରତର ମୋଷ୍ଟ ଓ୍ବାଣ୍ଟେଡ ତାଲିକାରେ ଥିଲା । ଗତ ସେପ୍ଟେମ୍ବରରେ ବି ଲସକର ସଂଗଠନର କମାଣ୍ଡର ରିୟାଜ ଅହମ୍ମଦ ଓରଫ ଆବୁ କାସିମକୁ ମଧ୍ୟ ଗୁଳି କରି ହତ୍ୟା କରାଯାଇଥିଲା ।