ଜେଡିୟୁରେ ସାମିଲ୍ ହେଲେ ବିହାରର ପୂର୍ବତନ ଡିଜିପି ଗୁପ୍ତେଶ୍ୱର ପାଣ୍ଡେ

ପାଟଣା: ବିହାର ବିଧାନସଭା ନିର୍ବାଚନ ୨୦୨୦ ପୂର୍ବରୁ ବିହାରର ପୂର୍ବତନ ଡିଜିପି ଗୁପ୍ତେଶ୍ୱର ପାଣ୍ଡେ ରାଜନୈତିକ ଜୀବନ ଆରମ୍ଭ କରିଛନ୍ତି । ସେ ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ଉପସ୍ଥିତିରେ ଜେଡିୟୁରେ ମିଶିଛନ୍ତି । ରବିବାର ମୁଖ୍ୟମନ୍ତ୍ରୀ ନୀତିଶ କୁମାର ଗୁପ୍ତେଶ୍ୱରଙ୍କୁ ଦଳର ସଦ୍ୟସତା ଦେଇଛନ୍ତି । ଗୁପ୍ତେଶ୍ୱର ପାଣ୍ଡେ ଶୁକ୍ରବାର ଏନଡିଏ ସହିତ ରହିବା ନେଇ ସ୍ପଷ୍ଟ ସଂକେତ ଦେଇଥିଲେ ।

ଜେଡିୟୁରେ ସାମିଲ୍ ହେବା ପରେ ଗୁପ୍ତେଶ୍ୱର ପଣ୍ଡା କହିଛନ୍ତି- ମୋତେ ନିଜେ ମୁଖ୍ୟମନ୍ତ୍ରୀ ଡାକିଥିଲେ ଦଳରେ ସାମିଲ୍ ହେବା ପାଇଁ । ଦଳ ମୋତେ ଯାହା କରିବାକୁ କହିବ, କରିବି । ମୋତେ ରାଜନୀତି ଜଣାନାହିଁ । ମୁଁ ଜଣେ ସାଧାରଣ ବ୍ୟକ୍ତି । ଯିଏ ନିଜ ସମୟ ସମାଜର ସେବା ପାଇଁ ବିତାଇଛି ।

ଗୁପ୍ତେଶ୍ୱର କହିଥିଲେ- ଆଜି ସନ୍ଧ୍ୟା ୪ଟାରେ ବିହାର ମୁଖ୍ୟମନ୍ତ୍ରୀ ତଥା ଜେଡିୟୁର ରାଷ୍ଟ୍ରୀୟ ଅଧ୍ୟକ୍ଷ ନୀତିଶ କୁମାର ସଦସ୍ୟତା ଦେଇଥିଲେ । ମୁଁ ଆରମ୍ଭରୁ ତାଙ୍କ ଉପରେ ପ୍ରଭାବିତ । ସେ କେବେ ପୋଲିସ କାମରେ ହସ୍ତକ୍ଷେପ କରିନାହାଁନ୍ତି । ନିର୍ବାଚନ ଲଢ଼ିବି କି ନାହିଁ, ତାହା ମୋର ବ୍ୟକ୍ତିଗତ ବିଷୟ ଅଟେ ।

रॉबिनहुड ‘औक़ात’ पांडे का राजनीति में स्वागत है, कैम्पेन तो मुंबई की पुलिस को गाली देकर शुरू कर ही ली थी, एक मौत को राजनीतिक सीडी बना ही ली थी, अब उम्मीद है बिहार की जनता इनका भी हिसाब-किताब तय करेगी।

*चुलबुल पांडे उर्फ़ दबंग सलमान खान जी को क्षमा याचना के साथ pic.twitter.com/UmhxACqiAy

— Priyanka Chaturvedi🇮🇳 (@priyankac19) September 27, 2020

ଗୁପ୍ତେଶ୍ୱର ପାଣ୍ଡେ ଜେଡିୟୁରେ ସାମିଲ୍ ହେବା ନେଇ ଶିବସେନା ସାଂସଦ ପ୍ରିୟଙ୍କା ଚତୁର୍ବେଦୀ ଟ୍ୱିଟ୍ କରିଛନ୍ତି । ସେ ଲେଖିଛନ୍ତି- ମୁମ୍ବାଇ ପୋଲିସକୁ ଗାଳି ଦେଇ କ୍ୟାମ୍ପେନ୍ ଆରମ୍ଭ କରିଥିଲେ । ଗୋଟିଏ ମୃତ୍ୟୁକୁ ରାଜନୈତିକ ସିଡି କରିଥିଲେ । ଏବେ ଆଶା ବିହାରର ଜନତା ଏସବୁର ହିଶାବ ନିକାଶ କରିବେ ।

ପୂର୍ବତନ ଡିଜିପି ସ୍ୱେଚ୍ଛାକୃତ ଭାବେ ଅବସର ନେବା ପରେ ସେ ରାଜନୀତିରେ ଯୋଗ ଦେବା ନେଇ ଚର୍ଚ୍ଚା ହେଉଥିଲା । ସୁଶାନ୍ତ ସିଂହ ରାଜପୁତ ମାମଲାରେ ବୟାନ ରଖି ସେ ବିଗତ ଦିନରେ ଚର୍ଚ୍ଚାକୁ ଆସିଥିଲେ । ଏହାକୁ ପୂର୍ବତନ ଡିଜିପି ବିହାରରେ ଉତ୍ତମ ଶାସନ ଚାଲିଥିବା କହି ତାରିଫ୍ ବି କରିଥିଲେ ।