ଏସୀୟ କାନୋସ୍ପ୍ରିଣ୍ଟ ପ୍ରତିଯୋଗିତାରେ ସ୍ବର୍ଣ୍ଣ ଜିତିଲେ ଓଡ଼ିଶାର ଧନମଞ୍ଜରୀ ଦେବୀ: ଶୁଭେଚ୍ଛା ଜଣାଇଲେ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ଭୁବନେଶ୍ବର: ହଂକଂରେ ଏସୀୟ କାନୋସ୍ପ୍ରିଣ୍ଟ ପ୍ରତିଯୋଗିତାରେ ଓଡ଼ିଶାର ଖଇରାପମ୍ ଧନମଞ୍ଜରୀ ଦେବୀ ପାଇଲେ ସ୍ଵର୍ଣ୍ଣ ପଦକ। ମହିଳା କେ-୧୧୦୦୦ ମିଟର ଇଭେଣ୍ଟରେ ସେ ଏହି ପଦକ ହାସଲ କରିଛନ୍ତି। ଏହି ପ୍ରତିଯୋଗିତାରେ ଭାଗ ନେଇ ଓଡିଶା ଫେରିବା ପରେ ଭୁବନେଶ୍ୱର ବିମାନବନ୍ଦରରେ ତାଙ୍କୁ ସ୍ୱାଗତ କରାଯାଇଥିଲା। ରାଜ୍ୟ ଓ ଦେଶ ପାଇଁ ସ୍ଵର୍ଣ ଜିତି ଗୌରବ ଆଣିଥିବାରୁ ତାଙ୍କୁ ପ୍ରଶଂସା କରିଥିଲେ ଲୋକେ। ଜଗତପୁର ଜଳକ୍ରୀଡ଼ା କେନ୍ଦ୍ରର ପ୍ରଶିକ୍ଷାର୍ଥୀ ହେଉଛନ୍ତି ଧନମଞ୍ଜରୀ ଦେବୀ। ଏହି ସଫଳତା ପାଇଁ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଧନମଞ୍ଜରୀଙ୍କୁ ଶୁଭେଚ୍ଛା ଜଣାଇଛନ୍ତି। ରାଜ୍ୟର କ୍ରୀଡ଼ା ପ୍ରତିଭାଙ୍କୁ ନବୀନ ସର୍ବଦା ପ୍ରୋତ୍ସାହିତ କରି ଆସିଛନ୍ତି । ନବୀନଙ୍କ ପ୍ରୟାସ ପାଇଁ ରାଜ୍ୟର ଅନେକ କ୍ରୀଡ଼ା ପ୍ରତିଭା ଜାତୀୟ, ଅର୍ନ୍ତଜାତୀୟ ସ୍ତରରେ ରାଜ୍ୟ ପାଇଁ ଅନେକ ସୁନାମ ଆଣିଛନ୍ତି । ସେହିପରି ଓଡ଼ିଶା କାୟାକିଂ ଓ କାନୋଇଂ ସଂଘ  ମଧ୍ୟ ଧନମଞ୍ଜରୀଙ୍କୁ ଅଭିନନ୍ଦନ ଜଣାଇଛନ୍ତି।